Nhiv no, thax tsav tỉnh Sơn La muôx 11 kro qơư pir tsês zav txux yơưz puôs nzor tưz tâu côngk nhav sơưr hov, xav qơư sơưr, bê hu thiaz tâu uô ntâuz ntơưr txơưx fiv trơưk cêr xav ntơưv Bộ Txux chi, Thể thao thiaz Nuôv zax. Hâur ntơư, tsuv thav txos qơư pir tsês Trur jêz jok Mòn, xã Thôm Mòn, huyện Thuận Châu, tâu pov nzor yax txix shông 1927 tâu xav zos  “Kuô tsêr”  tưx uô ntơưv tiz nênhs  đrav ntêx tưz tâu siv, khơưz thiaz pov yênhx cxênhz zav chuôz tav muôx niax shông txix 1.000 - 6.000 shông. Kror tsuô Co Noong ntơưv thị trấn Ít Ong, huyện Mường La, nhoz iz saz ntus đêx sông Đà, tâu kriz khơưz shông 1997 thiaz pov ntâu tưx taik xav muôx niax shông ntêr tov kaz têx tưx jêz yiaz. Đros ntâu kror tsuô xênhz txơưv tưz tâu shuôk pov têx zav uô tâu jông ntơưv pêx xênhv đrav ntêx, li: Kror tsuô Thẩm Puốc nhoz Bắc Yên; Kror tsuô nza Tạng Mè, kror tsuô Pông nhoz Vân Hồ; kror tsuô Hua Bó nhoz Mường La; Kror tsuô Thẳm Mu nhoz Mai Sơn; Kror tsuô Tắng nhoz Phù Yên; Kror tsuô Lán Le nhoz Quỳnh Nhai...

Yax 11.000 tưx taik khơưz thâuv têx puôs thâuv ntêx lok tâu gra lok tênhv tsês saiz, txuôs tsês ntơưv tsêr trâu chia tsưx car tsês ntơưv Tsêr puôr fênhx tỉnh, tâu xav muôx niax shông txix ntu tưx taik jêz kuz, tưx jêz yiaz thiaz ntu zôngv tôngx gis. Têx tưx taik muôx ntâu zav, li: Poz jêz cuz cơưs, jêz uô cxaik, têx zav xuôk ar puôz, xiz xuz, chuôz zênhx tir tsor tros, taik ntiv, đruôk tôngx, têx zav chox jông gâux zos tôngx, têx luz nza yuôr cxa tsênhv tsik tâu puôk tas… Ntơư zos tiv khơưr muôx tsênhz trâu cêr huôv tsar tsik tu ntơưv pêx xênhv nhoz đrav ntêx đhâu cxuô ntu, piz cias ntu puôs nzor cxênhx lâuk thâuv ntêx uz txos trâu ntu nênhx vav mênhx muôx tôngx, hlâu, nhiax cuz ntơưv trôngx têz Sơn La.

Pos Ngô Thị Hải Yến, Giám đốc Tsêr puôr fênhx tỉnh, thav pâuz: Tsêr puôr fênhx tỉnh  nhiv no taz tov tsưx, txuôs tsês ntâu zav tưx taik thâuv nzor muôx nux gri jông lok sâuv txux chi thiaz cêr uô têz qơư. Hâur ntơư, muôx têx tưx taik tsiv gri muôx niax shông puôs nzor – piz uô têz, uô qơư, lar haik mak gơưv zok nriar uô cê 34 luz đruôk tôngx puôs nzor tov ntus đêx sông Đà ntơưv Sơn La. Ntơư zos têx tưx taik muôx gri tsik pâuz tas tâu Tsêr puôr fênhx tỉnh saiz car, por hưv thiaz tênhv tsês tsênhv jông chia paz max cêr khov saiz shuôk, tsov xav ntơưv têx kruô nuôv zax.

Lês hâux lưv cxiv puôz 2 tsêr máy điện đêx Hoà Bình thiaz Sơn La, Tsêr zok nriar txux đrav ntêx chia cơưv Việt Nam tưz chox lês, đros tỉnh Sơn La tsov, njuôk shuôk thiaz khơưz têx zav tưx taik puôs nzor nhoz 2 thax tsav pak đêx lox. Yax 50 shông đrav ntêx, tưz pov 24 zav tưx puôs nzor ntơưv thax tsav 3 huyện (Mộc Châu, Yên Châu thiaz Phù Yên) nhoz trâu thax tsav pak đêx điện Hòa Bình, tưz muk shuôk njuôk, khơưz thiaz pov tâu yênhx cxênhz zav tưx taik. Têx nênhs txơưx fiv tưz lês jâus tsov saiz đuô têx tưx taik, kho đuô hur si têx ntâuz ntơưr têx zav khơưz puôs nzor, piz trơưk li cêr tưz muôx yưv thâuv ntêx luz têz qơư – txux chi têx tsôngv pêx xênhv txix li 30.000 shông txos 3.000 shông njuôk li nhiv no.  Ntơưv thax tsav pak đêx điện Sơn La, pov 15 zav tưx nhoz 3 huyện (Quỳnh Nhai, Thuận Châu thiaz Mường La), khơưz tâu yax 6.000 zav tưx; uô ntơưr pov pâuz trâu  Tsêr tso tênhv têx tưx taik txux chi thax tsav pak đêx điện (huyện Mường La),  kria lok sâuv cênhz cưv uô têz qơư txux chi jông ntơưv 4 zav nênhs  thax tsav pak đêx điện Sơn La. Txix shông 2015 txos nhiv no, Tsêr puôr fênhx tỉnh tưz lês thiaz uô tiar 2 đề tài tsov xav lok sâuv lês nzir têx zav txux chi ntu xuz thơưx – tsik cxix cxuô cêr uô têz qơư thax tsav pak đêx điện Sơn La thiaz thax tsav pak đêx điện Hòa Bình (thax tsav tỉnh). Đhâu lês ntơưv 2 đề tài tsik zos tsov xav lok sâuv têx zav puôs đrav ntêx chia cơưv xưz mak tsênhv haik tsênhz têx nux gri uô têz qơư , txux chi, têx zav muôx trâu cêr nuôv zax thiaz xav tơưv cêr tsưx hưv, huôv nzir têx zav yơưz tâu puôs nzor trâu ntu nhiv no .

PGS.TS Nguyễn Lân Cường, Paz nênhs tsov xav, nriar txux puôs nzor chia cơưv Việt Nam,  thav tiak: Txix têx pir tsês, pov njôngr, yax hlo mak têx kror tsuô nza, pêz tưz muk saiz yuôx, khơưz, zok têx zav tsês puôs nzor lok, xav niax shông muôx li chak. Lar haik mak njuôk yuôx sâuv poz cxa têx nênhs puôs đrav ntêx tưz zok pov chia xav nưk têx cxênhz jê ntơưv cxuô ntu txux chi puôs nzor lok. Txix ntơư têx jâus pov, Sơn La tsênhv tsưx tsês cxix cxuô ntâu tưx taik pir txưr lok sâuv cxuô ntu huôv tsar tsik tu ntơưv pêx xênhv nhoz đrav ntêx ntu tưx taik, chuôz zênhx kuz jêz, hla trâu ntu tưx jêz yiaz txos trâu ntu tôngx gis, tsa tơưv yênhx ntu vav mênhx hlâu, caz, nhiax cuz tov kaz no.

Sở Txux chi, Thể thao thiaz Nuôv zax tỉnh Sơn La taz tov trâu siaz đros têx chuyên gia ntơưv Tsêr yơưz kuz txux cơưv thiaz paz yơưz kuz txux cơưv ntơưv Việt Nam  tưz njuôk saiz, khơưz têx tưx, yuôx đuô thiaz uô tiar hồ sơ txơưx fiv trâu iz cxia pir tsêr, pov tsês thiaz tsês chia taix đrav ntêx. Đhâu ntơư, muôz têx zav tsiv gri  chia kho sâu lok sâuv cêr uô têz qơưk, đêx ar thax tsav, khơưz têx tưx taik muôx gri tênhv tsês ntơưv Tsêr puôr fênhx tỉnh thiaz lar haik nzir mak haik tsênhz txos cêr huôv tsar txux chi xuz thơưx đrav ntêx ntơưv trôngx têz ntơưv Sơn La hâur paz txux chi đrav ntêx ntơưv tiz nênhs./.