Ndax 7 six tais cik, 100% tus tuz cơưv muôx njêx muôs ntơưv têx qơư tưr txix li cêr njênhs, truôx siaz uô tiar jông môn tưr xuz thơưx zos môn Ngữ văn. Ntơưv têx qơư tưr, cias thâuv sơưr nzor têx công an, paz nênhs por hưv njias to tưx zưv nhoz cơ sở, hluôs nênhs, nênhs kho moz… tưz lês tiar côngz xưv đros chok nxiak njias to tưx zưv, nhaz xênhz yêz muk lok, paz tuz cơưv tưr thiaz tuz cơưv tsêr nênhs ntơưv têx qơư tưr. Phaiz,puz đơưz đêx hâuk trâu têx tuz cơưv tưr cov tiar jông jâus tưr no.

Jâus tưr cơưv lớp 10 shông cơưv 2025-2026, hur si tỉnh muôx yax 17.800 tus tuz cơưv, chos luk tưr ntơưv 43 kror qơư tưr, xav muôx 764 qar tsêr tưr. Xav hur si cêr xav zuôr tuz cơưv lớp 10 muôx  16.400 tus tuz cơưv. Sở choz kria ntơưr tưz tsa tâu 1 Hội đồng tưr. Sở tưz gruô hu yax 2.500 tus cán bộ, cưk kria, nhân viên, cán bộ, chiến sĩ thiaz têx lực lượng cik txos lês hâux lưv ntơưv têx qơư tưr, chok nxiak zos, txưv cêr xav, cxix cxuô thiaz chôngz tsơưs trơưk chai xav.

Jâus tưr cơưv lớp 10 THPT shông cơưv 2025-2026 thax tsav tỉnh zuôr tưr hâur 2 hnuz (xiaz 1 thiaz xiaz 2/6). Tais cik xiaz 1/6 têx tuz cơưv tưr môn ngữ văn, six hơưv 120 phút; zar hnuz kaix tưr môn toán, six hơưv 120 phút. Hnuz xiaz 2/6 tưr môn luk Anh, six hơưv uô baix 60 phút.

Cias Yar cơưv THPT Chuyên Sơn La, iz chas 3 môn tưr sâuv no, têx tuz cơưv tsênhv tâu tưr nzir môn chuyên, six hơưv 150 phút trâu hnuz kaix xiaz 2/6. Đề tưr muk cơưv lớp 10 THPT zos Hội đồng tưr Sở choz kria ntơưr tso đề, chok nxiak zos ndax txux chi nhoz trâu hâur cxiax cxênhv lớp 9 THCS.