Fâu ntơưr ‘‘Txiax njis Choz kria ntơưr Sơn La txix shông 1945 txos shông 2025’’ muôx 342 saz ntơưr đros trâu 7 yôngx sâu tas hur si txiax njis choz kria ntơưr Sơn La hâur 80 shông đhâu. Ntơư zos luôs hâux lưv muôx txiax njis lok six zov chênhr, kror uô tsâus ntâu trâu têx fâuv cưk kria, cán bộ saiz car choz kria ntơưr tưz côngv ntâu đas jos, tsưr ziv trâu xưv cxênhx choz kria tiz nênhs ntơưv Sơn La.

Fâu ntơưr tsik zos iz zav ntâuz ntơưr muôx gri, kria pâuz têx cêr chai txơưx fiv cêr nênhx paz max trâu côngz xưv tsov xav, kria pâuz txiax njis ngành, txiax njis thax tsav hâur têx yar cơưv xưz, mak tsênhv zos iz hâur têx zav ntâuz ntơưr muôx liv trâu cxuô cấp thơưx car, chor nênhs saiz car hâux lưv bax tsưr ziv huôv tsar choz kria ntơưr ntơưv tỉnh trâu têx ntu txuôk nzir.

Qar tsêr cênhz cưv sâu tsês ntu cxiv tsa thiaz huôv tsar ngành Choz kria ntơưr đhâu têx ntu, kruôk cxuô tus cưk kria, công chức, viên chức, têx fâuv shuv xênhz, sinh viên ntơưv tỉnh têx hâux lưv uô tâu hâur ntu tsik tsês sir jos, sik tưr cơưv shâuv, uô côngz xưv. Hâux lưv cxiv tsa qar tsêr cênhz cưv muôx txiax njis lok six zov chênhr, paz txuôs jông thiaz huôv tsar ngành Choz kria ntơưr Sơn La têx cênhz cưv, txiax njis kror muôx gri.