Tưz yênhx caz cêr, iz hli iz jâus, zơưs Lik Xênhv Zax, Thơưx chuôz xênhv Zax, jok Pu Hao, xã Mường Lạn, tror txuv jâus cơưv ntơưv jok thiaz fuô kria pêx xênhv lês chai jêx, jok. Muôx têx tus gruôs li zơưs Lik, pêx xênhv hâur jok pâuz tsênhz Đảng, Têz qơư têx cêr chai. Txix ntơư, cxiv kho jok Pu Hao yênhx qơư nto côngz siz tưr “Tas nro pêx xênhv thôngx siaz cxiv kho ntu nênhx muôx txux chi” ntơưv pêx xênhv qơư nhoz thax tsav đriv têz.

Zơưs Lik thav tiak: Txos nhiv no, jok tsik muôx tus tưs khi nhux tưv jê tsêr; têx cêr đaz kruô pav tuôs, nox yôngz hâuk cok tâu hlôngr yiaz. Đros ntơư, têx faz uô jông, qơư lês muôx liv hâur cêr huôv vav nhiax txiax uô tâu muk đêz đar. Txix ntơư, cêr thôngx siaz, siz trâus ntơưv pêx xênhv hâur jok zênhv hnuz zênhv tâu jông tuôx, pêx xênhv trâu siaz cxiv kho ziv nênhs, xã hội muôx txux.

Chia cêr siz tưr “Tas nro pêx xênhv thôngx siaz cxiv kho ntu nênhx muôx txux” tâu muôx liv,  xã Mường Lạn tưz huôv nzir qơư sơưr, cêr uô ntêx lông ntơưv cán bộ, đảng viên, bí thư chi bộ, thơưx jok thiaz  ban côngz xưv mặt trận hâur cêr lês têx njiaz luk . 

Zơưs Phạm Anh Đào, Chủ tịch UBPX xã Mường Lạn,thav pâuz: Xav li yênhx njiaz luk ntơưv cêr siz tưr, xã muôx faz lês ndax, fiv huv tsênhz mênhx thax tsav. Hâur ntơư, côngv cxiv tsa têx chai txux chi; cxiv kho cêr muôx txux njuôz - hur - jông – nhaz xênhz; fuô kria, txuôs tsês têx txux chi, cêr chai cênhz cưv; chai jêx, jok têx jok tưz tuôr xav mênhx phênhv shuôv,  hâux lưv ntơưv tus khênhx, ziv nênhs hâur cêr cxiv kho ziv nênhs muôx txux.

Iz chas ntơư, xã cxiv tsa têx chai txux chi ntơưv jêx jok, cxiv tsa tsêr txux chi xã, 13/16 luz tsêr txux chi jok cxiv puôz truôx khor; 100% têx jok muôx yar tiax uô thể thao. Tas nro xã muôx 16 paz uô thể thao tsik tsês cơưv shâuv, nthuôr txux...

Cêr chos luk, xair thiaz taix khov côngk nhav ziv nênhs muôx txux lês kriz lus, nhiak muôx  nhiak chai. Shông 2024, xã muôx 78% chor ziv tâu côngk nhav ziv nênhs muôx txux; 13/16 luz jok tâu chai muôx txux.

Zơưs Tòng Văn Quỳnh, Bí thư chi bộ, thơưx jok  Nà Khi, xã Mường Lạn, thav pâuz: Têx ziv nênhs hâur jok tưz thôngx siaz, siz côngv cxiv tsa cêr nox nhoz muôx txux chi yiaz ntơưv thax tsav pêx xênhv nhoz. Yênhx shông, muôx yax 85% chor ziv nênhs tâu côngk nhav ziv nênhs muôx txux chi; jok tâu côngz muôx txux chi.

Cêr siz tưr “Tas nro pêx xênhv thôngx siaz cxiv kho ntu nênhx muôx txux chi” ntơưv xã Mường Lạn muôx cêr to tâuz tsênhz, pêx xênhv, muôx cêr nyơư, huôv nzir cênhz cưv thôngx siaz, chuôz tâu tsưs truôx njês cxiv kho xã zênhv hnuz zênhv bluô nux jông jav, vav mênhx.