Xên lẩu nó zos Puôz Ziz đuz Yên Châu têx txux chi đaz kruôk, tâu zôngv tsik so yênhx shông, zos cêr chai đaz kruôk, cêr thôngx siaz thiaz luz siaz gruôs nhiav khưr hâur tsôngv pêx xênhv ntơưv no; fâuv tov kaz ndo njôngr têx lâuk têx txiax njis, thôr cov nhiak tus khênhx thiaz jêx jok tâu nox tsâu hnar sor, uô nênhx yar ntux.

Uô ntêx hlo mak zos phênhv bưk pox zơưv txưr txôngz, têx txir đaz txir kruô, pêx xênhv hâur jok bax mor blâuv, kaiz, njêk đêx jiaz kruôr, chơưr xơưk, pênhz laz thiaz pax, shaz ntơưr trâu sâuv luz thax, chia txi đaz kruôk. Txuôk nzir txir đaz txir kruô muôz cxur ư tas, phaiz chơưr uô tsâus têx xênhz têz xênhz qơư. Sơưr đơưv siz chos côngv nox pluôk mor thôngx siaz - zos pir txưr trâu tas nro tsôngv pêx xênhv hâur jêx jok.

Đhâu phênhv đaz kruô mak txos phênhv nthuôr txux chi, tsôngv pêx xênhv thôngx siaz, nhoz uô cê, chia siaz njôngr luz nênhx zuôr muôx txâuk nox tsâu, hnar sor, jêx jok thax zênhz. Iz chas ntơư, jias grâuv pax txux chi muôx ntâu tsar txux chi lol sâuv por poz, truz hluô, siz lưr cưr cxiax, muôx cxuô zav kar hno tâu sơưr đơưk tưr lov jêv ntưk.