Hnuz grâuv pax muôx phênhv đaz kruô thiaz phênhv nthuôr cêr lov jêv. Phênhv đaz kruô tâu kriz txix thâuv sơưr nzor zos txir nênhz chox lês, kria pâuz hair nênhs Poz Ziz kror ndox txiax njis pox côngz zơưv txưr, xênhz têz xênhz qơư thiaz têx nênhs tsa tơưv, por hưv jêx jok nhoz njias to; thor paz pêx xênhv, jêx jok uô nênhx nhaz xênhz, tâu jông ntux, sâu nju kôngz lông, nhiax txiax.

Phênhv grâuv pax, tưz nthuôr ntâu hâux lưv txux chi, tưr têx cêr uô si pêx xênhv tênhz tus li: Nria tơưv lâus fuôv txiax, por poz, pok kror muôs cxov ok...muôx yax 180 lênhx tưr tuôx ntơưv 8 luz jok hâur xã Pắc Ngà. Tsik tas li tsênhv nthuôr 9 qar tsêr huv muôs huv xuôk têk uô, jâuz mor kaz ntơưv hair nênhs Poz Ziz hâur thax tsav xã, kria trâu têx kruô pâuz mênhx đuô pêx xênhv ntơưv no luz nênhx thiaz têx txux chi jông.

Hnuz grâuv pax Txi xênhz têz xênhz qơư ntơưv xã Pắc Ngà tsik zos paz txuôs jông thiaz huôv tsar hair nênhs Poz Ziz txux chi jông xưz mak tsênhv kria đuôz Pắc Ngà txos têx kruô hâur têz qơưk thiaz oz chas tỉnh côngv pâuz, cxơưz huôv tsar nuôv zax thax tsav.