Jias no muôx 14 tus cưk txux tuôx ntơưv 7 xã, thị trấn hâur thax tsav huyện Yên Châu. Têx cưk txux tưz uô jông xair tưr hâux lưv cênhz cưv muôx phaz nzưr, txơưr đuô cxuô qơư ntơưv hair nênhs Poz Ziz li: Hiaz nzuôv ziv nênhs, nzuôv blêx, hiaz tơưz, hiaz vaz, hiaz vaz yâuk, hiaz vak,...; cưk txux pox niav xair tsov nria fuôv, nria hâur ndông,...

Hâur 25 phút têx cưk txux tsuv uô tơưv cxuô huv cênhz cưv đros trâu têx cxênhx cxênhv tso điểm lok sâuv tsik tưr đhâu six hơưv tso tơưv, uô tơưv huv jông gâux, txơưx piar luk thiaz muôx txiax njis jông.

Huv cênhz cưv xuôk têk hiaz tâu muôz car thênhx, shôngz, trơưv uô tưz tâu uô jông xair, nhav nxiak jôngx thiaz truôx. Cưk txux tưz sir zôngv tsưr ziv xuôk têk hiaz coz uô tơưv yênhx hax huv txuôs jông zuk hair nênhs txux chi.

Đros trâu huv nria tơưv lâus ntơưv pox niav Poz Ziz txuôs jông txux chi cênhz cưv, khênhr nria trâu tiaz, yo thiaz fuôv... muôx ntâu caz tơưv lâus, ntâu xiv jông gâux.

Tưr hnar tsôngk jông muôx 14 lênhx tuôx ntơưv têx xã Chiềng Tương, Tú Nang, Sặp Vạt, Chiềng Pằn, Chiềng Hặc, Chiềng Khoi, thị trấn Yên Châu.

Txuv phênhv tưr yênhx luz xã muôx 2 lênhx txuv tưr hnar tsôngk cênhz cưv thiaz cêr chai yiaz jông.

Ntâu lênhx tưz uô jông tưr uô trâu ntâu tus kruô thiaz ban giám khảo ndo njôngr tsik plox trâu đruôz siaz đhâu phênhv tưr hnar tsôngk cênhz cưv ntơưv pox niav têx hair nênhs Poz Ziz đuz, Hmôngz đuz, Poz Thơưx đros trâu fuô luk jông lok sâuv tsôngk hnar thiaz txơưx muk zos li têx jax cưr cxiax, suôz kênhx, suôz trax txuôs jông pêx xênhv cxuô hair nênhs txux chi cênhz cưv.