Muk txos jok Tam Quỳnh, niav lâuk Tòng Thị Xiên, Chủ nhiệm câu lạc bộ uô fuôv txiax hâur jok taz tov đros têx vir ndâuk ntơưv no uô jông tơưv lâus yênhx caz xor trâu têx txox fuôv txiax. Lâuz đêx zâuv pêz hâuk, niav lâuk Xiên haik: CLB muôx 50 lênhx, zos hội viên Chi hội pox niav ntơưv jok. Luz chaix uô kôngz tas, têx thành viên ho tror tuôx siz kria uô fuôv txiax, tus pâuz ntâu kria trâu tus pâuz tsơưs, chia cov uô tơưv têx txox fuôv jông gâux.

Cxuô tâur pax tơưv caz, côngx, blôngx, txir siz txuôk juk, yênhx têx txux chi jông txơưr hlo. Iz chas têx tâur pax ntơư nhiak muôx nhiak txiax njis lok sâuv têx jax đaz nênhs cik txos cêr đaz kruôk Puôz Ziz. Iz chas ntơư, cux muôx ntâu tsar ntâu zav pir txưr hâur cêr uô nênhx cxuô hnuz, chia siaz njôngr cov luz nênhx tsuôk uô tâu nox tsâu hnar sor, yar ntux đris.

Niav lâuk Cà Thị Thương, thành viên CLB, haik: Côngv trâu CLB cur tâu shâuv iz côngz jux juk tơưv têx xor yênhx têx tâur pax trâu txox fuôv txiax. Cơưv uô fuôv txiax tsik phiv liv, taz sik xar cov txơưx mak cux tas ntâu hnuz nhôngs, cur shâuv tas oz tuần thiax pâuz uô yênhx tâur pax sâuv txox fuôv txiax. Txos nhiv no, cur tưz pâuz thiaz kria trâu têx mê nhuôv.

Lês Đề án “Tsưx hưv thiaz nthuôr huôv têx txux chi jông cxuô hair nênhs Thành phố, zos txux chi jông cxuô hair nênhs iz thax tsav saz kâuv têz hnuz pôngz ntu 2020-2025”, Hội Pox niav xã Chiềng Đen tưz gruô hu têx hội viên siz chos côngv huôv tsar têx txux chi cênhz cưv zuk hair nênhs. Txix li CLB fuôv txiax jok Tam Quỳnh uô tâu yênhx côngz, txos nhiv no tưz huôv tsar thôngz 8 luz jok ntơưv xã. Têx CLB tưz muôx chôngz lênhx tuôx côngv, lar haik yax mak têx pox niav txơưx uô fuôv txiax. Cxuô CLB cơưv tsik so 1 hli iz jâus thiaz kria trâu têx hluôk, chia tsưx hưv txux chi cênhz cưv jông.

Niav hluôs Tòng Ánh Tuyết, jok Trung Tâm, haik: Cur niav zos thành viên CLB fuôv txiax ntơưv jok, iz chas muk cơưv ntơưr, têx thâuv khôngv, cur cux đros cur niav thiaz têx fâux, têx niav hloz hâur CLB uô fuôv txiax. Nhiv no, cur tưz pâuz uô yênhx txox fuôv chia ntông trâu têx hnuz muôx cêr lov jêv. Cur lok six nhiav zuk hair nênhs têx txux chi no, cur xar cơưv cov pâuz ntâu đuô.

Nhiv no, têx fuôv txiax ntơưv xã tưz tâu chox muk piar muôs trâu têx jâus kriz cêr lov jêv nthuôr txux chi ntơưv Thành phố thiaz tỉnh. Hội LHPN xã Chiềng Đen zuôr cxơưz paz têx hội viên, pox niav shâuv uô têx hax huv muôs trâu kruô nuôv zax cov muôx hâux lưv trâu tsôngv pox niav uô, cê ho tsưx hưv thiaz nthuôr huôv tâu têx txux chi cênhz cưv zuk hair nênhs.