Tsưx hưv têx txux chi iz txưv muôx đros đraiv huôv tsar nuôv zax, xã Vân Hồ, huyện Vân Hồ tưz puôz tiz pêx xênhv tsưx hưv, huôv tsar têx zav li: Tơưv lâus, đrax chiaz trâu sâuv ntâuz, uô ntơưr shôngz... chia cxơưz nhiax txiax-xã hội hâur thax tsav huôv tsar.

Tix lâus Tsu Xênhv Tsaz, tsưr tsêr homestay A Chu nhoz jok Hua Tạt, xã Vân Hồ zos thơưx tus hluôk Hmôngz uô qơư nuôv zax txux chi cênhz cưv. Tix lâus Tsu haik: Thâuv ntêx, vax tsê uô ntơưr shôngz chox lok zôngv uô đaz kruôk, đrax chia trâu têx ntâuz trâuk uiô tiaz hnar. Tâu huyện, xã kria tsưr ziv, cur tưz nthuôr huôv têx txux chi jông no chia huôv tsar zax, piar kria trâu têx kruô thâuv tuôx txos ntơưv no, lơưr shâuv uô ntơưr shôngz, đrax chiaz trâu têx ntâuz. Tuôx txos ntơưv no, têx kruô muôx zênhx zav thiaz têx ntâuz zuk shâuv uô gra muk saiz đaz muôs, puz cưr tix fôngx zưs.

Pov cias pêx xênhv uô ntơưr shôngz ntơưv homestay A Chu, pos Majia Helena Seppala, nhoz têz qơưk Phần Lan, haik: Cur nhiav cơưs gâuk têx zav ntơưv Homestay A Chu, thâuv tuôx txos hâur luz tsêr so no chuôs pov sor siaz so. Ntơưv no, cur pâuz nzir txos luz nênhx thiaz txux chi Hmôngz; shâuv uô ntơưr shôngz, tuôr nduôr, ntâuk tux luz, uô trâu cur zuôr ndo njôngr.

Iz chas ntơư, ntơưv homestay A Chu, thâuv txos hnuz so, kruô tâu saiz ntâu cưr cxioax, sênhr chêr zos têx tuz, nxaik Hnôngz jok Hua Tạt nthuôr uô lov jêv. Têx jax sênhr chêr đros luz suôz trax, suôz kênhx kho siaz jiv, uô trâu têx kruô pov lok six tsiv nhos thâuv txos trôngx têz qơưk tox siaz.

Hok ntơưv jok Chiềng Đi 2, ciaz hmo ntux tâu kriz trâu hmo tiv 7. Ntơưv no, kruô tâu saiz thiaz côngv nthuôr txux chi sênhr chêr, car ciaz tox siaz thiaz đros pêx xênhv tuôr nduôr-Tsar txux chi jông uôk tsuv muôx tsik pôngz hâur pax Tsiaz pêz châus Hmôngz.

Thơưx jâus tâu car luz ciaz trơưk chaix, tix lâus Nguyễn Văn Lợi, nhoz Hà Nội, haik: Cur lok six nhiav têx txux chi ntơưv ciaz no, têx jax sênhr chêr txux chi Hmôngz thiaz tâu siv tuôr nduôr blêx. Cur zuôr muk kria trâu têx fôngx zưs thiaz cxênhz jê cov lơưr tuôx nuôv zax trâu Vân Hồ cov thiax tâu côngv têx txux chi jông no.

Chia cov têx kruô nhiav tuôx ndis chôngz txos ciaz, têx shông đhâu, huyện Vân Hồ tưz kriaz nzir tsưr ziv cov pêx xênhv jok Chiềng Đi 2 chox têx txux chi cênhz cưv jông tuôx nthuôr ntơưv ciaz thiaz piar kria đhâu huôz chuô số; đros Sở Txux chi Thể thao thiaz nuôv zax tsa  têx txux chi cênhz cưv jông.

Pos Mùi Thị Thiệp, Phó Chủ tịch UBPX xã Vân Hồ, haik: Tsưx hưv thiaz nthuor huôv têx txux chi iz txưv muôx hâur tsôngv Hmôngz, xã tưz fuô kria cov pêx xênhv cê tsưx hưv ho cê kria trâu fâuv tov kaz. Tsik tas li, hâur têx hnuz nthuôr cêr lov jêv tso yar têx cêr siz tưr txux chi; muôx qơư nthuôr txux chi trâu kruô shâuv thiaz gra têx txux chi kuz chas txux tuôx nthuôr kria trâu kruô saiz, li đraz chiaz trâu ntâuz, uô ntơưr shôngz... cov kruô nuôv zax pâuz têx txux chi jông thâuiv tuôx ndis txos.

Hâux lưv tsưx hưv thiaz nthuôr huôv têx kuz chas txux đros trâu huôv tsar nuôv zax ntơưv xã Vân Hồ taz tov tâu kruô nhiav tuôx ndis saiz, yênhx luôs hâux lưv paz pêx xênhv muôx hâux lưv uô, sâu nju nhiax txiax truôx njês ho cê tsưx hưv tâu têx txux chi jông iz txưv muôx.