Mul txos Ngọc Chiến hâur têx hnuz no, cxuô thax tsav ntơưv par liax, chuô blơưv tsư ha nzias hâur chaix blêx blâuv siar.

Tix lâus Lò Văn Thoa, Phó Chủ tịch UBPX xã, thav kria: Sâu blêx blâuv tâu pêx xênhv chos nhoz trâu iz thax tsav txơưr thiaz xair tsov đêx ar fiv huv chia chos, đêx zưs cux tsuv zos đêx hur thiaz tsik tso qir, tsuôk zos zôngv qir tsiax cxu chia tso trâu blêx.

Mul txos jol Mường Chiến, pêz tuz sâu xor tâu tsưr jol chox mul shuôk tsưr ziv uô cxur ciz. Pos Lò Thị Phắn, jol Mường Chiến, haik pâuz: Thâuv hnaz blêx blâuv nhiv kruôr khor cxur, piz đax kaz hnaz mal tưz hlais thiaz jơưk tâu blêx, mal muôz ciz trâu hâur têx ziak. Kror phiv liv yax hlo mal zos thâuv ciz, zuôr tsuv đo blêx tsik tsês tax thâuv tưs luz cxur siar têk têr tâu luz cxur. Tas ntơư ho chox mul tuôr trâu kror chok tas mav li tsôngr cov tas chor xuô, tâu luz cxur njuôz xiaz, jôngx tsư ha. Chia cov luz cxur jông gâux, tsư ha li thâuv nhiv kruôr ciz mal tsuv muôz blôngx njê, blôngx tsơưz krưr tsês.

Đros trâu khảu hang (blêx blâuv chia ciz) thiaz cxur blâuv đơưz, mal cxur ciz zos zav tsuv muôx trâu yênhx trôngx mor thâuv yênhx zis nênhs nhoz xã Ngọc Chiến nox mor blêx yiaz. Viv li, ntơưv jâus kriz cêr grâuv pax nox mor blêx yiaz xã Ngọc Chiến shông 2023, têx cxur blêx blâuv ciz tưz tâu kruôk thiaz tâu xã xair phênhv tưr tuôr cxur ciz ntơưv jâus kriz cêr Grâuv pax, cxuô paz tưr tưz uô jông lês txix li tsưr ziv ntơưv px nhoz xã Ngọc Chiến, tâu kror moz siaz txos ntơưv têx kruô nuôv zax thiaz px tuôx saiz shuôk, nox siv thiaz zuôr mul puz têx cxênhz jê.

Pos Nguyễn Lan Anh, kruô nhoz Hà Nội, thav: Ntơưv jâus kriz cêr grâuv pax, cur tâu đros pêx xênhv Ngọc Chiến tuôr cxur blâuv ciz, tâu nox siv cxur blâuv ciz, mal têx cxur ntơưv no kaz txơưr hlo, pêx xênhv têx blêx ntơưv no tsư ha, jôngx, cur tưz zuôr mul uô huv puz trâu têx cxênhz jê.

Tas nro xã nhiv no muôx 650 ha blêx, hâur ntơư muôx 50 ha blêx blâuv tsư ha. Sâu chiv blêx blâuv lol ciz mal tsik ntêr, viv li oz pêz shông lol no, txix li ciz cxur blâuv nox uô si hâur têx hnuz nox mor blêx yiaz, tưz muôx iz cxia zis ciz cxur blâuv muôs, sâu nju nhiax txiax thiaz tưz muôx tsik txâuk cxur blâuv ciz muôs trâu sơưr đơưk zuôr. Hâur ntu zuôr txos no, xã zuôr tror fuô kria, zaz zâuv pêx xênhv kriz đar liax chos blêx blâuv tsư ha chia ciz.

Mul txos Ngọc Chiến hâur luz chaix blêx siar, ntux yar jiaz tuôx trâu par liax đax rur, muôx chuô lax nzias nzơưx tuôx uô blêx yiaz tsư ha lơưk, zos tâu nox cxur blâuv ciz jôngx, tsư ha mal zênhx ndo njôngr trâu đruôz siaz tsik plox…