Shông 2023, têx tsêr luôv tror muôx ntâu hlôngr yiaz fiv huv cêr lax luôv, nhiax txiax huôv tsar; muôx pênhr xưv trâu cêr lax luôv. Txos nhiv no, thôngz tỉnh tưz tsa yiaz tâu zuôr luôs 400 luz tsêr luôv, đơn vị; yax 80 luz tsêr luôv, đơn vị tror uô nox đuô; yôngv trâu tas nro têx tsêr luôv thôngz tỉnh ndê yax 3.455 luz tsêr luôv, têx nhiax uô nox hur si yax 53.760 tỷ đaiv.

Zơưs Nguyễn Quốc Khánh, Chủ tịch Hiệp hội Tsêr luôv tỉnh, haik: Nthuôr huôv kror qơư sơưr hlôngr njêx muôs, por hưv vax huôv huv cêr huv chai trâu têx nênhs uô hâux lưv, Hiệp hội cxênhz tâu hur tiz si 31 lưv ndâux luk khov, chox car kria tâu 2 jias tsêr luôv mnôngs têx nênhs uô hâux lưv ndâux lul khov thơưx chox car cxuô sở, ngành; cxuô ndâux luk phênhv ntâu tâu têz mênhx thiaz tâu xa muk saz lax trâu cấp muôx vax huôv paz txos. Hâux lưv siz khov, cxơưz paz cêr lax luôv, paz tsêr luôv tâu fuô lês; cxơưz paz cêr lax luôv cov zôngx ziv; cxơưz hâux lưv hlôngr số, hlôngr yiaz phaz nzưr; huôv tsar nhiax txiax tsik tu nduô ntơưv têx tsêr luôv; lês cxuô cêr chai paz têx tsêr luôv, cxơưz cêr lax luôv hâur ntu đros oz chas têz siz khov.

Tổng Công ty Hà Hường đhâu 25 shông tsa yênhx thiaz huôv tsar, txos nhiv no, tưz yênhx iz hâur têx tsêr luôv uô ntêx nyuôk uô tâu nox ntơưv tỉnh Sơn La, uô ntâu zav, ntâu hâux lưv, hâur ntơư, tsênhv chênhz mak muôs yêz ô tô. Shông 2023, tưz hla đhâu cêr phiv liv, đơn vị tror tâu zos đại lý Wuling ntơưv Sơn La. Ntơư, zos zav yêz điện hâur cêr siz khov lax luôv GM (Mỹ) - HongGuang MiniEV.

Zơưs Vũ Việt Hà, Tổng Giám đốc Tổng Công ty Hà Hường, haik: Chính phủ Việt Nam tưz tuôr xav muôz 100% yêz ô tô thiaz yêz máy điện lok sir zôngv, cov thiax tsik hiav txos cêr nyiaz hur trâu shông 2050. Ntơư, tsik zos cêr siz chos luk lok sâuv por hưv cêr nyiaz hur xưz, mak tsênhv cxơưz cêr huôv tsar truôx njês, hlôngr yiaz tsưr ziv hâur ngành uô tơưv yêz ô tô. Kriz kror qơư uô luôv Wuling Sơn La cux zos tsêr luôv thiaz tỉnh têx cêr siz chos luk lês hâux lưv, Hiệp hội Tsêr luôv tỉnh sir jos, lês hâux lưv trơưk Chính phủ tuôr xav, chia por hưv cêr nyiaz hur, phax tar huôz chuô txơưr txar. Đros ntơư, ho paz trâu ntâu lênhx muôx hâux lưv uô, muôx nhiax thêv sê trâu Têz qơưk.

Cxuô tsêr luôv têx hâux lưv cxiv tsa, tu kôngz lông txir nox, uô lax luôv nuôv zax muôx ntâu hlôngr yiaz, ntâu dự án lok sâuv kho cêr yêz, tsêr cơưv ntơưr, tsêr kho moz, tsêr txux chi tưz uô tiar muôz lok zôngv. Shông 2023, tỉnh muôx nzir tsêr máy tu cà phê ntơưv công ty cổ phần Cà phê Sơn La; muôx chuôz zênhx têr luôv tơưr cà phê uô yuôx zêx cascara ntơưv Công ty cổ phần Phúc Sinh Sơn La; HTX Cà phê Bích Thao tưz uô tơưv zav hax huv yiaz zos cà phê hmôngr kruôr chia đo đê hâuk...

Têx tsêr luôv uô hâux lưv saz nuôv zax cux lok six yênhx côngz sâu nju nhiax. Lar haik mak cêr siz khov huôv tsar ntơưv công ty cổ phần Best tour Mộc Châu, tâu tsa trâu shông 2017, muôx 5 luz tsêr luôv siz chos côngv, zos: Tsêr kruô, Resort Thảo Nguyên; Tsêr thaz nzưr Hoa Mộc Châu; Yar nhux mik Dairy Farn; Qơư chos plâux Chimi Farm; thax qơư nuôv zax Happy Land Mộc Châu. Txos shông 2023, Công ty huôv tsar yênhx Liên minh Best tour Mộc Châu, nzir têx nênhs côngv uô nox yiaz, zos têx đơn vị nuôv zax uô ntêx nyuôk ntơưv Mộc Châu, li: Công ty cổ phần nuôv zax 26 Mộc Châu; Công ty cổ phần nuôv zax Pha Luông Mộc Châu; Công ty Lữ hành Mocha Travel; Qơư ndis uô si đêx tsơưk tsas dải yếm Ecofarm...

Zơưs Nguyễn Mạnh Hùng, Phó Chủ tịch Hiệp hội nuôv zax tỉnh, Giám đốc Thax qơư nuôv zax Happyland Mộc Châu, haik: Siz khov huôv tsar thiaz tsik chia đơn vị tưs pôngz kaz, yênhx shông, Best tour tưz kriz ntâu Famtrip đros têx qơư chox kruô nuôv zax ntơưv Hải Phòng, Quảng Ninh, Hà Nội, Đà Nẵng, thành phố Hồ Chí Minh siz khov. Kriz têx jias chox yênhx pưs kruô nuôv zax land tour 2 hnuz 1 hmo, 3 hnuz 2 hmo, côngv cấp trâu têx Công ty chox kruô nuôv zax trâu Mộc Châu. Luz 9/2023, Liên minh Best tour Mộc Châu kria Famtrip tok yax 50 đơn vị nuôv zax, nênhs chox kruô ntơưv tỉnh Thanh Hóa tuôx njuôk tsov, chia kriz tour 2 hnuz 2 hmo thiaz 3 hnuz 2 hmo. Uô kaz piz lês hâux lưv, cxuô Công ty chox kruô tỉnh Thanh Hóa tưz chox têx paz kruô tuôx nuôv zax thơưx lưv 3 hnuz 2 hmo ntơưv Mộc Châu.

Iz chas ntơư, têx đơn vị thành viên hâur Liên minh Best tour tưz cxiv tsa têx cêr nuôv zax yiaz, muôx ntâu qơư trâu kruô nuôx zax ndis uô si. Li: Thảo Nguyên resort taz tov cxiv tsa nzir tsêr kruô 160 qar trơưk chai 4 hnuz kuz, thax tsav tsêr thaz nzưr, tsêr kruô 3 yôngx, txâuk trâu 2.400 tus kruô so. Thax qơư nuôv zax Happy land Mộc Châu cxiv tsa qơư ndis uô si “Cêr uô nênhx tox siaz” muôx cxix cxuô têx txux chi jông Mộc Châu. Tsêr thaz nzưr Hoa Mộc Châu kriz nzir 2 kro qơư yiaz thiaz qơư nuôv zax Mộc Châu Island cux tok tâu ntâu pưs kruô tuôx ndis nuôv zax, cêr siz tưr công thức 1 Gokart, tơư ntaik vũ trụ Mộc Châu Space...

Txix li têx kror sir jos tưz uô tâu, cxuô tsêr luôv Sơn La zuôr iz thênhv jux juk hla đhâu cêr phiv liv, tror huôv tsar, cxơưz zov chênhr trâu cêr huôv tsar nhiax txiax ntơưv tỉnh, chuôz jos lês tiar têx cêr tuôr xav cxiv tsa tỉnh Sơn La huôv tsar njuôz, sai thiaz truôx njês.