Grâuv pax Xến Lảu Nó muôx oz phênhv: Phênhv đaz kruôk thiaz phênhv grâuv pax siz shơưk, đros trâu njiaz lul uô tsâus txos luz ntux, luz têz, xênhz têz xênhz qơư, pox côngz zơưv txưr tưz por hưv trâu sơưr đơưk muôx đas jos, uô tâu nox tâu hâuk. Phênhv đaz kruôk, pêx xênhv bax graix buô, graix kaiz, kê, chơưr xơưk, pênhz laz… đros trâu ntâu tsar zav chia lês trâu jâus grâuv pax li: “Tham phí hươn” (lais đaz vas đaz tsê); ntu uô đaz kruôk “Đông Tu Xửa” (txi xênhz têz xênhz qơư lol nox lol hâuk, chia por hưv por zơưv trâu pêx xênhv jêx jol); Ntu uô đaz “Xống Một” (ntu xa đaz tror kaz).

Zov chinhr yax mal ntu uô đaz kruôk (tam khuốn lụk liếng), zos têx nênhs tâu txir nênhz kho jông moz. Đhâu iz phênhv uô nênhz saiz tas, sơưr đơưk zuôr sênhr chêr iz ndis tus “Ndêx nxêz”, đros trâu cêr xav cov muôx jông ntux paz, uô tâu kôngz lông, pêx xênhv muôx đas muôx jos, uô nênhx yar ntux.

Grâuv pax Xến Lảu Nó zos jâus lês têx txux chi jông, muôx txiax njis ntơưv pêx xênhv Puôz ziz nhoz Kâuv têz hnuz pôngz, cxơưz pêx xênhv luz nênhx, muôx cêr njênhs thiaz chuôz jos trâu pêx xênhv hla đhâu têx cêr phiv liv hâur luz nênhx. Đros ntơư, uô nênhx siaz đơưz, tsik uô têx zav tsik jông, pâuz siz hluz thiaz uô nênhx thôngx siaz.