Cêr ria pax trâu ntâuz tưz tâu cxuô fâuv pox niav cxuô zav nênhs tsưx tâu li iz  zav cêr chai cênhz cưv ntơưv yênhx ziv nênhs hâur ntơư, pos kria niav, niav kria trâu mê nxaik. Tsik muôx ntâuz ntơưr, tsik tâu cơưv shâuv hâur tsêr cơưv, têx fâuv pox niav nhoz tox siaz iz tus kria iz tus txix li cxaik têk uô têx cêr nria, cok rax pax ntâuz, uô tơưv têx zav tơưs pax riz trâu ntơưv đaiv ntâuz max, lok sik pov njôngr tơưs pax riz trâu têx ntâuz trâuk gax đuz. Txix  ntơư, tsôngk  hnar cênhz cưv yênhx zav nênhs muôx trơưr zav txơưr hlo, muôx txiax njis lok sâuv txux chi, cêr xav, cêr njênhs đaz kruô ntơưv pêx xênhv thiaz muôx kror nhax pâuz tâu yênhx zav tiz nênhs.

Haik txos cêr nria pax ntâuz ntơưv cxuô  zav nênhs nhoz Sơn La, tsuv thav txos pêx xênhv Hmôngz. Pox niav Hmôngz muôx tsưr ziv đrax ntâuz txaix jênhk thiaz muôx pênhr xưv uô tơưv têx zav pax ntâuz tơưs yiaz, tsuôk pov muôx ntơưv tsôngk hnar cênhz cưv. Tsôngk hnar Hmôngz muôx ntâu ntu uô, xơưk, cxuô zav pax, ntâu trâur nria, siz  lo trâu đaiv ntâuz cov yênhx tiar. Hâur ntơư, chor yax zos cơưv đrax ntâuz txix li zôngv chiaz ntaz. Tiv zos  zav pax ntâuz no chor nhov hênhr, taix khov ndo jông yênhx zav thiaz tsuv ntov nti, têk txơưx cok đrax, têx jâuv mak jâuv yênhx hnuz tsuôk chia uô cov tơưv iz chêr pax ntâuz txaix.

Faz cok pax ntâuz txix li xuôk chiz ntaz đrax  ntơưv pêx xênhv Hmôngz thiaz nênhs Cho Nhiax muôx tsik siz thôngx. Chiaz ntaz tâu suz cov zax, mam li muôz iz tus car hlâu uô câuk ndâux lok cok đrax trâu têx tus ntâuz đơưz, tas ntơưr, trâuk gax, jiaz yar kruôr, muôz cxuô cov chiaz ntaz jênhs. Kror tưs cok đrax txix  li chiaz ntaz mak pov yưv tơưs pax jênhk trâu  ntơưv đaiv ntâuz đơưz muôz trâuk gax đuz. Iz chas đrax ntâuz xuôk chiaz ntaz, pox niav Cho Nhiax cux muôx cxaik têk txơưx thiaz hlưz xav uô tơưv pax ntâuz txix xuôk xor xơưk trâu têx tus ntâuz. Zuôr xiv gas đuz uô faz ntâuz, tsôngk hnarcênhz cưv nênhs Cho Nhiax cux pov njôngr têx  caz ntâuz txaix jênhk lêv nkhâuk txix li têx chiaz ntaz cok đrax tơưv trâu đaiv tiaz thiaz têx côngs pax ntâuz liaz yiaz, liaz plôngs trâu chêr yo thiaz txox fuôv.

Txơưx đuô têx tơưs pax  riz, uô ntov nti ntơưv tsôngk hnar pêx xênhv Hmôngz, Cho, tsôngk hnar ntơưv pêx xênhv Poz Ziz, yax hlo mak pox niav muôx kror txơưr piar zênhr, sôngz xaik. Pov njôngr mak zos Poz Ziz txox fuôv Txiax câur toz hâu đros têx pax txiax cux uô tas jos thiaz jông txơưr hlo. Xav li Poz Ziz, kror jông ntơưv txox fuôv txiax tâu saiz zos chưx njuôk cêr tsiv txiax, txơưx, muôx tsưr ziv ntơưv tus pox niav.

Iz zav nênhs nhoz Sơn La puôr lênhx muôx tsôngk hnar cênhz cưv đros  kror txơưr hlo tsik siz thôngx. Phênhv ntâu tsôngk hnar chia trâu pox niav ntâu đuô lok sâuv uô tas ntâu six hơưv hnuz nhôngs chia uô tiar têx chêr tsôngk hnar txâuk siaz, tơưs pax jênhk jông saiz. Hâur ntơư, xưk li puôr lênhx muôx têx zav uô đrux đrưs, tơưs pax, xiv cov pov njôngr trâu têx câuk mov lok sik fuôv txiax, paz bôngs nzir cêr jông gâux trâu nênhs pox niav tox siaz.

Txix li cênhz cưv ntêr tiav nênhs lok, têx txux jông txơưr hlo, cêr txơưx jông nria tơưv pax trâu têx tus ntâuz ntơưv nênhs Cho Nhiax thiaz Hmôngz Lênhk nhoz Sơn La tưz tâu Bộ Txux chi, Thể thao thiaz Nuôv zax muôz sâu trâu ntâuz ntơưr zos kuz txênhs kuz tês hâur têz qơư. Kror no zos cêr sâu nhav txos trâu iz  faz txux chi tsiv txiax tưz tâu pêx xênhv uô tơưv, huôv nzir thiaz tsưx tsês đhâu ntâu fâuv nênhs lok, cxaz nzir ntâu, muôx  txux nzir trâu têx txux chi cxuô zav nênhs ntơưv tỉnh Sơn La.