Hâur hair nênhs Puôz Thơưx luz nênhx, cêr chai đaz kruôk nox mor blêx yiaz tưz muôx ntâu tiav nênhx, tâu iz cxênhx zôngv kria tsês trâu cxênhx iz tiav đhâu iz tiav. Zos zav txux chi đaz kruôk Puôz Thơưx, tsik thôngx lưv hair nênhs, zos ndo txiax njis têx xênhz têz xenhz qơư, pox zơưv txir txôngz tưz por hưv thiax uô tâu nju kôngz lông.

Nox mor blêx yiaz thâuv tưz sâu blêx tas, khênhr zos luz 11-12 hli ntiax têz uôk zos luz 9-10 hli ntux yênhx shông. Thâuv nox mor blêx yiaz iz ziv zuôr uô mor blêx yiaz, graix hno zos têx zav khưr tâu ntơư, li: Graix buô, graix kaiz, mor blâuv jak xiar, đax, chơưr xơưk, kok liaz, kok tsư ha, pênhz laz, njêr thiaz shaz, txir hmaz txir ntông cxuô zav… chia lais xênhz têz xênhz qơư, têx lâuk tưz por hưv thiax uô tâu nju kôngz lông.

Chia thor cov por hưv đas jos, cêr nox kaz hâuk luôs, ntơưv no cux khi xor pax trâu chax đaz têk. Txox xor pax pir trâu cêr thôngx siaz hâur tsôngv pêx xênhv, thor cov iz shông nox kaz nhoz jông. Zav txux chi siz khi xor pax trâu chax đaz têk zos Puôz Thơưx zav txux chi txơưr lưv hair nênhs, khênhr tso yar trâu têx jias muôx cxênhx xưv zov chênhr, li: Tsiaz, txênhv tsêr yiaz, nox yôngz lok sik muôx kruô tuôx shuôk, cux li muôx nênhs zuôr muk đêz. Zav đaz kruôk no, zos Cưr tix Puôz Thơưx ndo txiax njis têx lâuk, sơưr đơưk uô nênhx thôngx siaz côngv lês hâur jok thiaz njênhs luz nênhx zuôr tâu nox tsâuk hnar sor, uô nênhx yar ntux.

Txux chi đaz kruôk nox mor blêx yiaz, zuôr tsuv  tâu tsưx hưv thiaz nthuôr huôv thôngz tsôngv cưr tix Puôz Thơưx Sơn La.