Sơn La, zos trôngx têz qơưk muôx 12 hair nênhs nhoz ntâu tiav nênhx lok, iz hair nênhs muôx iz tsar kar hno tâu uô kaz txơưr lơưv iz zav, yênhx têx tsar txux chi lok six cxix cxuô. Lar haik makt: Hmôngz têx nduôr blêx, graix nênhk tsơưk nto mông; Puôk Ziz têx caz puôz tưv, graix njêk đêx cxiaz, mor trax, mor blâuv jak tsiz xiv pax, jâuz har jôngr, cuô kok đêx, Mêx Jênhx ho muôx zav graix kâuz, hair nênhs Cho muôx chơưr mok lưx... Cxuô zav chia uô tơưv têx kar hno no, puôr lênhx muôx txơưv, ho zôngv têx txux lov kaz, li: Shaz txoz, nôngz txir đaz, cuô txoz shơư txux lov, uô yênhx têx zav kar hnuz kaz.

Thâuv kruô nuôv zax tuôx ndis txos, iz chas tâu ndis têx qơư cênhz cưv, uô si trâu têx thax qơư ntuxx trâus têz xênhz jông gâux, tsênhv tâu nox têx kar hno kaz. Đhâu têx pluôk mor kaz xik ndâux, têx kruô ho tâu ndis saiz têx tsar txux chi, cênhz cưv jông. Ntơư, cux “qênhv tâu kruô” so đuô.

Niav lâuk Lường Thị Hồng Tươi, Thơưx paz nênhs huôv tsar nuôv zax  jêx jok Vặt Hồng, phường Mường Sang, thị xã Mộc Châu, haik: Huôv tsar nuôv zax jêx jok, pêz xav mênhx kar hno zos iz phênhv lok six zov chênhr hâur cxuô tsar txux chi Puôz Ziz ntơưv têx qơư tok kruô nuôv. Iz chas têx kar hno khênhr muôx, li: Njêk cxiaz,ẩgaix caz puôz, pêz tsênhv kria trâu kruô pâuz ntâu zav kar hno txơưr đhâu têx jias grâuv pax, Tsiaz thiaz phênhz mênhx txiax njis yênhx zav kar hno trâu kruô pâuz. Tuôx txos ntơưv no, kruô tsênhv tâu shâuv ntik mor trax, cxiaz njêk thiaz tuôr cuô txoz txux lov. Đhâu têx zav uôk kruô pov cias ntơưv kror muôs thiaz tâu uô cias ntơư, lơưr pâuz nzir ntâu zav thiaz zuôr ndo njôngr cxuô zav muôx txơưv ntơưv trôngx têz, tiz nênhs Mộc Châu.

Nhiav côngv uô, sax têx kar hno cxuô hair nênhs Sơn La, niav lâuk Hoàng Mỹ Hạnh, kruô nhoz Hà Nội tuôx, lok six shir phaz haik: Tuôx txos Sơn La, cur tâu nox têx mor blâuv jak tsiz xiv pax, graix caz puôz tưv, graix kaiz cxiaz, njêk đêx, morr trax, cuô kok đêx... iz zav kar hno, kaz txơưr lơưv iz tsar, txơưr hlo tsik thôngx têx kar hno nhoz tiax đras. Chia siaz njôngr cur zuôr tror tuôx ndis trâu Sơn La đuô, cov pâuz nzir ntâu đuô têx txux chi, tiz nênhs ntơưv no.

Tsưx hưv thiaz huôv tsar têx txux chi, kar hno chia nthuôr huôv cêr nuôv zax  jông taz tov tâu cxuô cấp, ngành, cxuô qơư fuô lês. Zơưs Trần Xuân Việt, Phó Giám đốc Sở Txux chi, Thể thao thiaz Nuôv zax, haik: têx kar hno, zos tâu uoo tưz jông nthuôr huôv, zuôr cxơưz txux chi tiz nênhs Sơn La. Viv li, pêz tưz đros cxuô qơư kriz lớp kria nzir tsưr ziv uô kar hno, tsưx hưv tsênhr cov hur  paz têx ziv pêx xênhv uô lax luôv nuôv zax jêx jok, tsêr muôs kar hno, tsêr tok kruô. Puôz tiz, paz trâu hâux lưv cxiv tsa tour chox kruô nuôv zax tuôx nox têx kar hno kaz; tso yar siz tưr uô kar hno kaz,... Đhâu ntơư, têx kruô taau nox têx kar hno kaz, tâu côngv nthuôr ntâu txux chi, cov pâuz têx txux chi cênhz cưv hair nênhs nhoz trôngx têz qơưk uôk têx kruô tâu ndis txos.

Pov njôngr têx kruô tuôx nuôv zax tsik zos tâu nox têx kar hno txâuk đas jos hâur têx hnuz tuôx ndis uô si xưz mak tsệnhv tâu côngv ntâu txux chi cxuô hair nênhs. Têx zav yiaz lơưr pov thơưx jâus, têx kar hno kaz xik ndâux thâuv kruôk tuôx ndis txos hax zav uô trâu têx kruô ndo njôngr thiaz xar tuôx đuô. Viv li, huôv tsar lax luôv kar hno zuôr cxơưz nuôv zax huôv tsar, tok tâu kruô tuôx ndis trâu Sơn La zênhv hnuz zênhv chôngz đuô.