Jias tưr muôx zuôr luôs 1.000 lênhx zos têx nênhs nthuôr txux chi hâur 30 paz nênhs hlôgr njêx muôs trâu cxuô tỉnh, thành phố hâur têz qơưk. Têx txux chi chox muk tưr cxix cxuô zav, tâu uô jông shâuv lok six nzơưk, haik txos Chủ tịch Hồ Chí Minh.

Paz nthuôr txux tỉnh Sơn La muôx 25 lênhx, zos têx nênhs nthuôr txux, fuô chai ntơưv Tsêr nênhs nthuôr Txux chi - Điện ảnh tỉnh. Trơưk njiaz luk “Sơn La tok Zơưv Côngz Hôx tuôx shuôk”, muôx 5 jax cưr cxiax: Tox trôngz ndo Đảng, zơưv Côngz Hôx txiax njis; Hmôngz ndo zơưv Côngz Hôx; Thuận Châu qơư zơưv Côngz Hôx tuôx shuôk; Zơưs Tiên yuôz kênhx thiaz têx cưr cxiax, sênhr chêr Sơn La tok Zơưv Côngz Hôx lok shuôk - Zơưv Côngz Hôx hmor yuô. Têx cưr cxiax, sênhr chêr tưz uô trâu sơưr đơưk tror ndo txos Zơưv Côngz Hôx chuôs tsênhv nhoz trơưr đros tsôngv pêx xênhv cxuô hair nênhs tỉnh Sơn La, haik mênhx têx txux chi Tây Bắc.

Suôx câuv, paz nthuôr txux Sơn La tưz tâu UBPX tỉnh Nghệ An kruôk; Cục Txux chi cơ sở, Ziv nênhs thiaz Thư viện kruôk 1 tus khênhx thiaz tâu 1 luz côngz mênhx Cuz thiaz 3 luz côngz mênhx Nhiax trâu têx paz nênhs nthuôr txux chi.