Tas nro tỉnh muôx 91 kror qơư, hâur ntơư muôx 63 kror qơư cênhz cưv tâu xair hov đros trâu 4 zav: Cênhz cưv cxiv tsa têz qơưk – txux chi, cênhz cưv txux chi cok tâu jông, cênhz cưv cxênhx lâuk thiaz tox trôngz hâur pêk jông. Hâur ntơư, cênhz cưv cxiv tsa têz qơưk – txux chi ntâu yax iz đraz đros trâu 55 kror qơư, muôx tsêr tux, vax nza tuz lênhv, qơư ndo txiax njias yar ntux, ndêx huôz kas, qơư ndo txiax njis têx nênhs tas siv nênhx, têx qơư cxiv tsa têz qơưk… Nhiv no, muôx 2 kror qơư cênhz cưv nto mông tâu xair tsov zos têz qơưk qơư cênhz cưv tsêr tux Sơn La thiaz qơư cênhz cưv siz khov, sik paz Việt Nam - Lok (huyện Yên Châu). Hâur têx shông đhâu, têx qơư cênhz cưv hâur tỉnh tưz tâu muôz nhiax têz qơưk thiaz pêx xênhv siz chos côngv chia cxiv kho, chia tsưx tsês têx qơư cênhz cưv pêz têz qơưk hâur ntu cxiv tsa têz qơưk nto mông lus hâur ntu nhiv no thiaz zar tov kaz.

Pos Ngô Thị Hải Yến, Giám đốc tsêr tsês puôr fênhx tỉnh, haik pâuz: Tsêr tsês puôr fênhx taz tov saiz car 6 kror qơư cênhz cưv. Têx qơư cênhz cưv tsênhv yuôr chia cxênhz, xair hov thiaz tsik tâu xair hov puôr lênhx tâu phaiz thênhv, zok trâu thax tsav saiz car, por hưv. Tsêr tsês puôr fênhx tỉnh tưz lês jông hâux lưv cxênhz sâu têx qơư cênhz cưv cxiv tsa têz qơưk – txux chi, tox trôngz hâur pêk jông hâur thax tsav tỉnh Sơn La 5 shông/jâus uô chinhr chưr cxuô qơư ntơưv tỉnh. Đhâu ntơư, cxuô cấp, ngành, cxuô qơư pâuz lol sâuv hâux lưv por hưv thiaz saiz hloz nux gri têx qơư cênhz cưv thax tsav tỉnh.

Đhâu 5 jâus cxiv kho txix shông 2018 txos nhiv no, Tsêr tux Sơn La tưz tâu cxiv kho iz cxia thax tsav mas hiav hâur ntu tir ntâuk tros thiaz tsưx tsês têx zav muôx txơưv, paz trâu têx nênhs tuôx nuôv zax pâuz tâu têx cêr phiv liv, txov nhêv thâuv nhoz tux, tâu saiz zos “Qơư cơư nênhs hâur ntiax têz”. Yênhx shông, qơư cênhz cưv tưz tok yax 200.000 pưs kruô tuôx shuôk, nuôv zax, tsov xav cênhz cưv, yênhx qơư trâu kruô tuôx saiz shuôk thâuv tuôx txos Sơn La. Saiz hloz qơư cênhz cưv têz qơưk Tsêr tux Sơn La, hâur têx shông đhâu, Tsêr tsês puôr fênhx tưz hlôngr yiaz hâux lưv kriz lês têx hâux lưv chox kruô nuôv zax, cxiv tsa têx hâux lưv fuô kria thiaz muôx ntâu njiaz lul fuô kria lol sâuv cxiv tsa têz qơưk; đros têx yar cơưv, têx đơn vị tuz lênhv kriz lês ntâu hâux lưv mul shuôk têx qơư cênhz cưv, chuôz zênhx, qơư txux chi hâur thax tsav chia kria trâu têx shuv xênhz đhâu têx hâux lưv li: “Cho tsưz đax”, lês hâux lưv “Cur nhiav têx hâux lưv cxiv tsa têz qơưk”…paz trâu têx shuv xênhz thiaz kruô nuôv zax tuôx txos trâu Tsêr tsês puôr fênhx thiaz Tsêr tux Sơn La.

Cưk kria Lưu Văn Khải, Phó Hiệu trưởng Yar cơưv PTDT Nội trú tỉnh, haik pâuz: Têx hâux lưv mul saiz têx txux chi ntơưv Tsêr tsês puôr fênhx đros trâu Tsêr tux Sơn La muôx txiax njis, paz trâu shuv xênhz to tâuz, pâuz mênhx lol sâuv cênhz cưv cxiv tsa têz qơưk hâur zuk thax tsav, txix ntơư nhiav têz nhiav qơưk. Ntơư cux zos têx tsưr ziv muôx liv chia kria têx cênhz cưv hâur thax tsav trâu shuv xênhz.

Iz cxia qơư cênhz cưv thax tsav tỉnh tưz saiz hlo zos qơư choz kria cêr uô têz uô qơư thiaz zos qơư nuôv zax muôx txiax njis trâu thâuv kruô tuôx txos Sơn La. Lar haik, li: Qơư cênhz cưv têz qơưk Tsêr tux, qơư chiv tsês cêr siz khov hâur ntu cxiv tsa têz qơưk Việt Nam - Lào (Yên Châu); Qơư cênhz cưv txi fiax Quế Lâm ngự chế - Qơư txi Huôz taik Lê Thái Tông (Thành phố); Qơư cênhz cưv tsưx tsês saiz đaz muôs Trung đoàn Tây Tiến, Qơư cênhz cưv Zênhx Mộc Lỵ (Mộc Châu) Qơư cênhz cưv Kỳ đài Thuận Châu (Thuận Châu)...

Niav lâuk Lò Ngọc Muốn, chox kruô ntơưv qơư cênhz cưv tsưx tsês saiz đaz muôs Trung đoàn Tây Tiến, Mộc Châu, haik pâuz: Yênhx shông, qơư cênhz cưv tok yax 10.000 pưs kruô zos têx paz cựu chiến binh, shuv xênhz, paz côngz xưv hâur tỉnh thiaz 2 chas tỉnh tuôx shuôk. Têx kruô tuôx saiz, hlơưr shaz trâu qơư ndo txiax njis yar ntux thâuv hnor têx lul haik txos têx cênhz cưv, muôx txiax njis qơư tsưx tsês saiz đaz muôs.

Đros ntơư, têx xor mông lol sâuv iz cxia qơư cênhz cưv – txux chi jông tâu tso yưv sâuv ntu xa đuôz, fuô mông ntơưv ngành Văn hóa, Thể thao thiaz nuôv zax, qơư tso mông cxuô qơư; têx xor luôv, têx ntơưr muôx lul Anh – Lul pêz têz qơưk thiaz tso tơưv mul đêz đar kria txos têx qơư muôx txiax njis tưz tâu sơưr moz siaz txos.

Saiz hloz têx qơư cênhz cưv tsik zos chia fâuv hluôs nhiv no pâuz, ndo txiax njis têx lâuk thâuv ntêx đas jos, trox nya, txox siaz viv têz qơưk, pêx xênhv mal tsênhv saiz hloz qơư cênhz cưv, txux chi chia huôv tsar nuôv zax, muôx kror jông trâu kruô nuôv zax cxuô qơư.