Háng Đồng zos xã muôx huôz chuô lax, tox trôngz, hâur pêk jông gâux, đros trâu ntâu têx txux chi, cênhz cưv jông, kak nox kaz txơưr hlo … ntơư zos têx zav muôx txơưv jông chia huôv tsar nuôv zax. Taz sik, hâux lưv nuôv zax tsênhv njiz ntâu cêr chor nhiv, tsik tâu tsiv nhos li têx zav muôx txơưv hâur thax tsav.

Ntơưv jias saz lax muôx 13 zav ntâuz ntơưr saz lax ntơưv Sở Txux chi, Thể thao thiaz Nuôv zax tỉnh, têx cơ quan ntơưv huyện Bắc Yên thiaz xã Háng Đồng đros trâu njiaz luk: Têx hâux lưv muôx yưv, tsưr ziv lês jông côngz xưv por hưv, nthuôr huôv Hmôngz têx txux chi, cênhz cưv hâur thax tsav xã nhiv no; qơư sơưr ntơưv txux chi cxuô hair nênhs trâu hâux lưv huôv tsar nhiax txiax - xã hội nhiv no; têx zav muôx txơưv jông lok sâuv huôz chuô, đêx ar thiaz zov chênhr zos tiz nênhs thiaz txux chi hâur thax tsav…

Jias saz lax tưz muôx iz cxia tsưr ziv chia tror nthuôr huôv tâu jông têx cêr grâuv pax, txux chi, cênhz cưv, tsưr ziv choz kria têx txux chi trâu fâuv hluôs; tsưr ziv uô nuôv zax đros đaiv Hmôngz têx cênhz cưv; moz siaz cxiv tsa têx jok nuôv zax, kriz muk shuôk, cơưv shâuv, kriz têx jias kria nzir tsưr ziv lok sâuv uô nuôv zax jêx jok hâur tỉnh thiaz oz chas tỉnh; moz siaz fuô kria huôv tsar nuôv zax, paz zôngx ziv trâu cêr siz khov txix li têx xã hâur huyện li Hồng Ngài,Tà Xùa, Làng Chếu, Xím Vàng, Hang Chú thiaz têx thax tsav li Mộc Châu,Trạm Tấu, cxaz nzir cêr pâuz trâu pêx xênhv hâur jêx jok thiaz kruô nuôv zax lok sâuv txiax njis ntơưv têx txux chi, cênhz cưv.