Đros trâu njiaz luk “Cơưv shâuv chia huôv tsar tus khênhx thiaz pâuz sir zôngv công nghệ, cxơưz paz cxiv tsa têz qơưk muox jos, shir phaz”. Tuần grâuv pax cơưv shâuv tsik muôx hnuz xâuk kriz txix hnuz xiaz 1 - 7/10.

Hâur jias tso yar, phường Tô Hiệu tưz gruô hu têx cơ quan, đơn vị, têx paz pơưs thiaz cán bộ, đảng viên, đoàn viên, hội viên thiaz pêx xênhv hâur thax tsav phường moz siaz côngv hâux lưv cơưv shâuv tsik muôx hnuz xâuk, cxaz nzir cêr pâuz lok sâuv khoa học, công nghệ, cêr chai, txux chi, xã hội, chia cov paz max trâu hâux lưv hâur luz nênhx. Cxuô zis nênhs, chuôz xênhv, jêx jok tror nthuôr huôv jông cênhz cưv cơưv shâuv, paz max trâu têx mê nhuôv cơưv shâuv, gruô hu têx nênhs lâuk, nênhs uô hâux lưv cơưv shâuv tsik tsês.

Têx yar cơưv, Trung tâm cơưv shâuv ntơưv jêx jok tưz kriz ntâu têx tsưr ziv cơưv shâuv, sir zôngv công nghệ thông tin, paz muôx qơư cơuv shâuv nhaz xênhz trâu cxuô lênhx, cxuô tus. Têx tổ, jok tror tsưx truôx, kriz đar têx hâux lưv cxơưz paz cêr cơưv shâuv, moz siaz lês jông cêr siz tưr “Sơưr đơưk siz chos cơưv shâuv”, paz zôngx ziv chia pêx xênhv tâu cơưv shâuv... côngv têk cxiv tsa phường Tô Hiệu yênhx qơư lês tâu jông cêr siz tưr cơưv shâuv tsik muôx hnuz xâuk, fiv huv têx tiêu chí ntơưv Thành phố cơưv shâuv têx thax tsav hâur ntiax têz.

Cias tov kaz Jias tso yar, têx đại biểu thiaz shuv xênhz tưz muk shuôk qơư tu ntơưr, nhênhv ntơưr ntơưv luz yêz thâuv ntơưr.