Jias tưr shông no muôx 24 paz nênhs nhoz ntơưv 23 tỉnh, thành phố. Cias uô kaz tso luk tưr, cxuô paz nênhs tưz tưr nthuôr txux chi ntơưv 22 xã, phường ntơưv 3 luz tỉnh, thành phố: Tuyên Quang, Bắc Ninh thiaz Hải Phòng, hâur 6 hnuz tưr. 

Paz nênhs fuô kria txux chi cxuô qơư, Trung tâm Văn hóa - Điện ảnh tỉnh Sơn La chox 5 jax txux chi jông muk tưr. Lar haik mak, jax sênhr chêr “Sơn La iz ntu nto mông” tưz tâu côngz mênhx cuz; jax sênhr chêr “Nhuôv zâuk Mường La” thiaz “Suôz cưr cxiax ntơưv ntông phax khâuv” cux tâu côngz mênhx nhiax. Cxuô jax txux chi tưz kriz trâu sơưr đơưk saiz haik txos ntu têz qơưk ntâuk tsor tros thiaz huôv tsar têz qơưk, trôngx têz Sơn La đros trâu têx txux chi tox siaz đhâu luz suôz cưr cxiax, paz trâu sơưr đơưk pâuz mênhx đuô cênhz cưv cxiv tsa têz qơưk. Têx hâux lưv lês tâu zos têx cưk txux Sơn La, zôngv phaz nzưr, sir jos uô tâu, iz chas ntơư cux uô por thơưx trâu txux chi nthuôr ntơưr txux chi thôngz têz qơưk.