Pax huôv tsar Tây Bắc tsư kaz, luz pax đơưz, plơưr muôx njik xiar luk, tơưs yiaz khir thôngz cxuô luz trôngz, têx mê câuv har thiaz cxuô luz câuv đrôngs, lok six jông huv siaz. Pax huôv tsar pir txưr trâu đrâus Khum thiaz gâux Ban gơư txox cêr siz hluz, muôx txiax njis ntơưv tus hluôs gâux Puôz Ziz txox cêr hluz. Viv li, têx pax jông gâux thiax muôx iz jax đaz nênhs đros trơưr, hax zav uô trâu têx cưk txux Sơn La nhiav.

Tâu zus thiaz lox hloz iz txưv nhoz trâu Sơn La - Tây Bắc, họa sĩ Lê Chương, Chủ tịch Hội Liên hiệp VHNT tỉnh, zênhx pâuz mênhx têx txux chi jông nhoz trôngx têz no, nưk lok six nhiav pax huôv tsar, viv luz pax nhiak njaik, đơưz mok, jông gâux riz. Muôx ntâu zav txux chi tik bê “Pax huôv tsar” zos cưk txux Lê Chương tưz chox muk tưr ntâu jias, nthuôr trâu sơưr saiz têx jias nthuôr pir txưr đuôz cok hâur tỉnh thiaz têz qơưk. Trơưk li nưk mak Pax huôv tsar kror tưs cux jông gâux, taz sik Pax huôv tsar ntơưv thành phố Sơn La nưk pov jông txơưr hlo.

Cưk txux Lê Chương haik tiak: Hâur cêr txux cêr chi cok đuôz, xar cov Pax huôv tsar yênhx iz zav txux chi muôx txiax njis, kror uô ntêx hlo, têx cưk txux zuôr tsuv tâu  muk ndis saiz cxix cxuô thiax pov tas kror jông xar cok đuôz, sâu cov yênhx txux chi. Cur cux li têx cưk txux ntơưv Sơn La, Pax huôv tsar iz txưv tưz đros trơưr luz nênhx, zos zav pax uô jông gâux trâu thành phố Sơn La.

Hok ca sỹ, nhạc sỹ Thanh Xuân, taz tov uô côngz xưv ntơưv Phòng Txux chi - Văn nghệ, Ban Tuyên giáo Tỉnh ủy, cux sâu yênhx ntâu jax cưr cxiax haik txos pax huôv tsar. Iz jax cưr cxiax nưk sâu haik txos pax huôv tsar jông lơưv iz zav, đros trâu têx txux chi trôngx têz Sơn La. Lar haik li jax cưr cxiax “Cêr grâux đrâus Nộc Khum” tâu nưk kir pax huôv tsar thav jax đaz nênhs haik txos đrâus Khum thiaz gâux Ban txox cêr siz hluz, tưz chox muk tưr tâu hov A ntơưv jias tưr txux chi thôngz têz qơưk shông 2022.

Nhạc sỹ Thanh Xuân haik: Pax huôv tsar zos zav uô trâu têx cưk txux nthuôr phaz nzưr zav li tsik muôx qơư xâuk, sâu tơưv ntâu txux chi chi. Cur cux iz zav, cur lok six nhiav zav pax no. Muôx lok six ntâu jax cưr cxiax cur sâu haik txos Pax huôv tsar, li jax cưr cxiax “Nhiav cơưs Sơn La”, “Sơn La kror jông zar hnuz kaix”, “Cêr grâux đrâus Nộc Khum”... Jax tưs cux haik txos trôngx têz qơưk Sơn La.

Pax huôv tsar tâu haik txos hâur tas nro cxuô chuyên ngành txux chi, txix li têx đuôz cok, cưr cxiax, zênhx zav, sênhr chêr, txos têx pax huôv tsar, đaz nênhs,… Iz lênhx cưk txux ntơưv Sơn La nhiak sâu lok sâuv zav pax no muk lơưv iz zav đhâu têx chuôz zênhx nhiak sir zôngv, txix cias têx zênhx zav, têx khơư luk haik. Taz sik, puôr lênhx côngv iz luz siaz nhiav, njênhs trơưk têx txux chi ntơưv Sơn La - Tây Bắc.