Mộc Châu zos trôngx têz muôx 12 hair nênhs nhoz ntâu tiav nênhx, iz hair nênhs nhiak muôx nhiak iz tsar txux, đaz kruôk, tưz côngv yênhx tsar txux cxix cxuô đuô cêr nuôv zax gra bê Mộc Châu. Nthuôr huôv têx zav muôx txơưv ntơư, huyện tưz lês ntâu faz tsưr ziv tsưx hưv thiaz nthuôr huôv têx txux chi jông đros đraiv nuôv zax, cov kruô tuôx ndis saiz thiaz cxơưz pêx xênhv cxuô hair nênhs luz nênhx tâu jông, sâu nju nhiax txiax.

Tuôx tưr muôx 14 paz nhoz cxuô xã, thị trấn ntơưv huyện Mộc Châu. Sơưr đơưk puôr lênhx uô jông bax zuk têx txux chi, têx nênhs no zênhx nhiav nthuôr txux chi uô lov jêv, têx txir kênhx tưz chox zuk têx pênhr xưv nthuôr txux chi trâu sơưr đơưk saiz têx txux chi, cênhz cưv li: Txux chi đaz kruôk Hết Chá Puôz Ziz Đơưz, jok Áng, xã Đông Sang; đhia kênhx Hmôngz; Puôz Ziz Đơưz, xã Mường Sang txi ntux nas; hair nênhs Cho zav cêr đaz kruôk thor ntux nas; cêr đaz kruôk Pang A hair nênhs Maz…

Jias tưr zos cêr shir phaz nthuôr txux chi cênhz cưv jông cxuô hair nênhs, kruôk têx paz pơưs, tus khênhx tưz côngv lês côngz xưv tsưx hưv, nthuôr huôv têx txux chi jông; iz chas tsưx hưv, siz chos nthuôr, kria têx txux chi jông cấp têz qơưk ntơưv huyện Mộc Châu txos trâu chôngz pêx xênhv cxuô qơư thiaz kruô nuôv zax.