Jias no muôx 200 tus cưk txux, nênhs nhiav haik cưr cxiax, sênhr chêr tuôx ntơưv têx câu lạc bộ, paz haik cưr cxiax hâur thax tsav phường Tô Hiệu, phường Chiềng Cơi đros hur si pêx xênhv, kruô nuôv zax thiaz têx mê nhuôv zâuk.

Ntơưv jias no, têx cưk txux thiaz cxuô paz haik cưr cxiax jêx jok tưz nthuôr 6 jax tuôr têk sênhr chêr lâuk jông yax hlo ntơưv hair nênhs Poz Ziz, đros trâu ntâu jax cưr cxiax txuôs jông zuk hair  nênhs  txux chi tâu huôv tsar txix sênhr chêr pêx xênhv tênhx tus, tuôr têk sênhr chêr Poz Ziz. Tus mê nhuôv tưs cux shir phaz haik cưr cxiax, sênhr chêr lov jêv ntưk.

Iz chas têx jax cưr cxiax, sênhr chêr, cxênhx cxênhv tsênhv nthuôr ntâu hâux lưv ndis shuôk li tuôr têk sênhr chêr, tuôr têk sênhr chêr thôngx siaz, kria pâuz tuôr têk sênhr chêr thiaz nria fuôv txiax, uô têx cêr uô si pêx xênhv tênhx tus... chia paz pêx xênhv thiaz kruô nuôv zax tâu pâuz mênhx đuô txux chi Poz Ziz đhâu tsêr tsar lơưx, tsôngk hnar, huv xuôk têk uô cênhz cưv thiaz têx jâuz mor kaz.

Txux tuôr têk sênhr chêr Poz Ziz ntơưv 4 tỉnh Tây Bắc, hâur ntơư muôx Sơn La tưz tâu UNESCO sâu hâur fâu ntơưr Puôr fênhx txux chi txix shông 2022. Hâux lưv kriz Nthuôr, ndis shuôk "Txux chi tuôr têk sênhr chêr Poz Ziz" zos iz hâur têx hâux lưv choz kria cênhz cưv tâu Puôr fênhx thiaz Thư viện tỉnh siz chos kriz, chia paz txuôs jông thiaz huôv tsar txux chi tuôr têk sênhr chêr Poz Ziz kror muôx gri cux li hair nênhs Poz Ziz txux chi cênhz cưv jông.