Grâuv pax piz txix jax đaz nênhs, pêx xênhv uô nênhx lok six pluôs, tsik muôx nhiax zuôr yuôx kho moz, khênhr muk thor txir nênhz thiaz txir yuôx kho moz trâu pêx xênhv jêx jok. Chia uô txir nênhz tsâus ntâu, ntâu lênhx tưz thor tâu uô mê nhuôv zus. Txix thâuv ntơư, txos têx hnuz kaz shông (hnuz 29, Tsiaz 30), têx mê nhuôv zus ho tuôx uô txir nênhz tsâus ntâu, taz sik ndax ntu ntơư taz tov bax Tsiaz tsik khôngv li ntơư txir nênhz tưz tênhv luz 3 hli yênhx shông zos hnuz uô tsâus...

Grâuv pax Hết Chá zos txux chi đaz kruôk, chox tâu hair nênhs Poz Ziz cêr thôngx siaz, siz chos huôv tsar kôngz lông; zos jias chia pêx xênhv uô xênhz têz xênhz qơư, pox côngz zơưv txưr tsâus ntâu, thor uô tâu nox, tâu hâuk, uô nênhx luôs nxi, tâu jông ntux, uô tâu kôngz lông, cxuô lênhx cxuô tus nox tsâu hnar sor, muôx đas jos. Shông 2015, Grâuv pax Hết Chá tâu công nhav zos puôr fênhx cấp têz qơưk.

Phênhv đaz kruô zos jias chia tus mê nhuôv zus uô txir nênhz tsâus ntâu tưz paz kho jông moz trâu zuk. Đhâu phênhv đaz kruô piz txix jax đaz nênhs tâu thav thiaz cxiv kho đuô, kria pâuz têx tsưr ziv huôv tsar kôngz lông cux li uô jông mnôngs têx luk kria tsês chia pêx xênhv sơưr đơưk nhoz uô cê jông đuô. Kror tsênhv chênhz ntơưv têx cêr uô si mak zos kror lov jêv.

Zos phênhv đaz kruô muôx lênhx mak phênhv grâuv pax tâu kriz đros trâu têx hâux lưv chia tror piar đuô pêx xênhv hair nênhs Poz Ziz luz nênhx hâur ntu cxiv kho jêx jok, cxiv tsa luz nênhx hlôngr yiaz. Têx cêr uô si pêx xênhv tênhx tus lov jêv ntưk muôx txiax njis lok six zov chênhr tâu kria pâuz li: Jax đaz nênhs siv uô tưv laix têz, muk đê jâuz har jôngr, muk cxov njêk, muk ploz...Iz chas ntơư, zos têx jax tuôr têk sênhr chêr đros têx suôz đruôk đror lav lus nhoz iz ndis tus ndêx nxêz uô trâu pêx xênhv, têx kruô ndo njôngr tsik plox trâu đruôz siaz.