Txix li nthuôr cêr tso yar sâuv tsar, pêx xênhv jok Khua Họ tưz tror kaz kriz Jâus “Grâuv tox-Por poz” muôx 2 njiaz luk: Tsa ndêx nxêz, ndêx nxông chia thor côngz hmôngr, đas jos, nhaz xênhz, muôx shir phaz; Txi xênhz têz, xênhz qơư hâur đêx, hâur har. Ntơưv 2 njiaz luk puôr lênhx zos Thơưx jok Khua Họ lês. Phênhv lês cêr đaz kruôk ntơưv yar tiax mal zos uô tsâus txos luz ntux, luz têz, xênhz têz, xênhz qơư paz por hưv trâu pêx xênhv iz shông muôx đas jos,  nhaz xênhz, uô tâu kôngz lông lol pur juk, sâu pur cxaz, tsiax cxu huôv vav, tsar nzir...

Phênhv tênhr đaz kruô uô tsâus muôx têx zav: 2 tus kaiz hâu siar, 1 fax graix nhux hâu, iz ntis cuô graix, mov blâuv chuz, nduôr blêx blâuv, chơưr, txir, shaz ntơưr. Lênhx txir đaz, chơư xênhz têz, xênhz qơư, pox côngz zơưv txưr lok đros nox hâuk. Cias tov kaz Jâus uô tsâus, têx đại biểu tưz khi xor trâu têk, chia thor côngz hmôngr jông.

Jâus kriz “Grâuv tox-Por poz” hâur pêx xênhv Hmôngz đơưz xã Huổi Một tâu lês, chia por hưv, kho đuô têx nux gri txux chi cênhz cưv hâur cưr tix Hmôngz; zos jâus bôngs nzir cêr thôngx siaz, cêr nhiav têz, nhiav qơư thiaz jông siaz trâu zuk hair nênhs. 

Ndax jâus no, Trung tâm Văn hóa Điện ảnh tỉnh, Trung tâm Truyền thông-Văn hóa huyện Sông Mã, xã Huổi Một, tưz kruôk txos hâux lưv haik cưr cxiax sênhr chêr “Têx cưr cxiax kruôk txos Đảng chaix ntux yiaz”; fuô kria côngz xưv por hưv cêr nox nhoz njias to, nhaz xênhz tsav yêz tâus cêr shông 2024. Côngv trâu jâus no muôx jê 100 lênhx cưk txux, nênhs haik cưr cxiax sênhr chêr tuôx nthuôr têx jax cưr cxiax, sênhr chêr, yuôz trax, đros njiaz luk kruôk Đảng, zơưv Hloz Hôx, jêx jok Sơn La hlôngr yiaz, cêr gâux đrâus, tox trôngz hâur pêk jông Sông Mã.

Đuô li, tsênhv nthuôr têx cêr uô si pêx xênhv zos tus: Tưr truz hluô, tuôr nduôr blêx blâuv, tsôngr cxur, tuô hnênhr, ntâuk vix vôngs, tưr hnar tsôngk fiv jav …  tưz muôx chôngz tus pêx xênhv tuôx cxơưz, paz jos tas siaz njưk.