Têx blôngx tâu đê yuôz tsuv pâuz xair, đu chi blôngv, ntus blôngx tsik uô hniar cơư, tuôz tov thơưx, ntâus, tsik tuôx plâuz, li têx blôngx: Lưv tsiz, mo môngk, chuôz thox, blôngx njê har jôngr, blôngx tsơưz. Thâuv kưr blôngx, xuôk têk tuôr oz tos hâu, kaz blôngx thiaz taik iz saz ntus blôngx cov tuôz li tus yuôz oz saz đi ndâux, mav li yuôz pa uô đaiv blôngx đror, đros trâu zôngv tus blais đôngs đhâu tus pa yuôz tuôx ntơưv saz đi ndâux cov blôngx đror uô kho siaz jiv trơưk tus yuôz têx luk haik cêr chia siaz.

Kưr blôngx khênhr zôngv trâu têx luz chaix nthuôr cêr lov jêv, kho siaz trơưk ntux yiaz, têx hnuz đhia poz tsiaz... Nhiv no, ntu nênhx muôx ntâu suôz trax điện tử, taz sik hair Hmôngz cux tsênhv cơưv shâuv, tsưx tsês thiaz gruôs kưr blôngx đros têx txux chi jông ntơưv zuk hair tiz nênhs.