Jias no muôx 18 lênhx hlôngr njêx muôs trâu 9 paz tưr tuôx ntơưv têx xã, thị trấn hâur thax tsav huyện. Têx nênhs tưr tâu phaiz uô yênhx gơưv pox niav- txir nênhx hlôngr njêx muôs trâu yênhx paz nênhs tsuv tưr đhâu 2 phênhv: Phênhv tưr hnar tsôngk pêx xênhv cxuô hair nênhs cênhz cưv jông thiaz hnar tsôngk pêx xênhv cxuô hair nênhs trơưk cêr chai yiaz jông. Cxuô gơưv txir nênhx pox niav hnar tsôngk pêx xênhv cxuô hair nênhs jông tưz pâuz zôngv têx suôz trax, suôz kênhx đros fiv huv yênhx hair nênhs, muôx ntâu ndâux lul kria jông, xav iz phênhv tưr tas txix 3-5 phút.

Ban giám khảo tso điểm, cxênhx yuôx trơưk têx chai li: Tsôngk hnar tsuv zos cênhz cưv, tsik siz shơưk; tsôngk hnar trơưk cêr chai yiaz tsuv jông jav, fuv huv, txuôs jông cênhz cưv, tsik uô pôngz cênhz cưv; fuô mênhx txiax njis tsôngk hnar yênhx hair nênhs; txơưx zaz zâuv tâu ntâu lênhx pâuz hnar zuk hair nênhs tsôngk hnar cênhz cưv.

Nênhs tưr hnar tsôngk jông tsuv uô jông tưr, hnar tsôngk, chox câux njês, xâur, mflaiz jông, pâuz yuôz trax, ntâuk ndak muôx phaz nzưr; haik cưr cxiax, sênhr chêr fiv huv yênhx chêr tsôngk hnar.

Jias tưr tưz muôx ntâu jax tâu cxiv tsa uô jông fiv huv, shir phaz, lov jêv ntưk, chơư chôngz tus pêx xênhv thiaz kruô nuôv zax tuôx saiz buôx tês nxias. Shơư têx phênhv tưr hnar tsôngk hair nênhs tsơưs jông zos têx jax cưr cxiax, sênhr chêr jông lov jêv ntưk, cxơưz jos trâu têx nênhs tưr shir phaz tưr đuô.