Gruôv pax nox mor blêx yiaz cxuô zav nênhs xã Ngọc Chiến tâu pêx xênhv chox lês cxuô tiav lok, chia haik kria têx txux chi cênhz cưv jông, cêr đaz kruô, cêr njênhs, muôx lênhx ntơưv px cxuô zav nênhs ntơưv no.

Cêr gruôv pax nox mor blêx yiaz xã Ngọc Chiến shông 2023 muôx phênhv txi thiaz phênhv lov jêv. Phênhv txi lais đaz mor blêx yiaz ntơưv thax txi Đon Hó,  jok Mường Chiến. Txir đaz uô tsâus txos chax chês cxênhx lâuk, ntux têz, thor cov tâu ntux, sâu tâu nju kôngz lông, pêx xênhv muôx nênhx nox tsâu, hnar sor, txâuk txưv. Tov kaz txi tas ntơưv thax txi nôngz têx lâuk, cxuô ziv pêx xênhv bax lais đaz mor blêx yiaz ntơưv zuk ziv nênhs. Tsi njênhk yênhx ziv nênhs chơư chia têx kruô tuôx đros côngv cêr lov jêv. Pox niav tuôr cxur blâuv jôngx, uô mor txix li têx cxur zos chiv yiaz; txix nênhx uô cxuô zav hno nox li graix buô, kaiz, njêk, nhux, yik, mur har jôngr, graix nak, tâuz đax... Trôngx hno lais đaz tâu tsưr tsêr trâu ntơưv qar plas tsêr. Lais đaz tas, tsưr tsêr chơư kruô đros zuk hâuk chơưr xơưk, chơưr nzưs blêx blâuv.

Ntơưv yar tiax gruôv pax tưz tror kaz kriz đuô gruôv pax Pang A ntơưv pêx xênhv nênhs La Ha nhoz jok Kẻ, xã Ngọc Chiến. Gruôv pax Pang A tâu pêx xênhv nênhs La Ha kriz trâu luz 3 hli ntiax têz yênhx shông chia uô tsâus, ndo txiax njis cêr xav, têx cưk yuôx njuôz por hưv pêx xênhv jêx jok, thor cov tsik muôx moz, tsik muôx gênhs, hmôngr jông trâu pêx xênhv jêx jok. Gruôv pax  cux zos jâus chia pêx xênhv jêx jok tuôx siz côngv, siz njiz, nus tsưr ziv uô nox, hâuk, bôngs nzir cêr thôngx siaz, côngv cxiv kho jêx jok yiaz cxiv kho jêx jok nox tsâu, hnar sor.

Tov kaz phênhv txi đaz, phênhv lov jêv tưz muôx chôngz tus kruô, yax hlo mak phênhv nthuôr txux haik cưr cxiax đros cêr xav “Ngọc Chiến chaix mor blêx yiaz” zos têx nênhs haik cưr cxiax thiaz paz nênhs sênhr chêr ntơưv 15 jok xã Ngọc Chiến nthuôr têx jax cưr cxiax, sênhr chêr, trax đros cêr xav kruôk txos Đảng, Hloz Hôx, trôngx têz Sơn La hlôngr yiaz, cêr siz hluz txix gơưv, tox trôngz hâur pês Mường La jông jav, blêx tsư ha Ngọc Chiến…

Đuô li, hâur cxiax cxênhv tsênhv muôx cêr uô si pêx xênhv tus, li: Tưr tuôr cxur blêx blâuv kaz jôngx, ntâuk ntir, ntâuk txir toz, ndơưk bóng txir lưk pax txir nênhx, pox niav, tưr tso yik siz đrâu, tưr cxov njêk…  tâu chôngz tus kruô tuôx kruôk, kư đros buôx têx nxias cxơưz jos tas siaz. 

Jâus gruôv pax nox mor blêx yiaz xã Ngọc Chiến shông 2023 tưz zênhx tâu xã kriz hâur yênhx shông trâu chaix blêx siar 8 hli gris, 9 hli xiaz chia kho đuô, tsưx tsês, huôv tsar nzir têx nux gri txux chi cênhz cưv jông ntơưv tsôngv pêx xênhv cxuô hair nênhs; chia đênhr cêr chia siaz cxiv kho ntu nênhx muôx txux chi, kriz đar thax tsav chos trơưr blêx blâuv tan. Đros ntơư, tsik so yâu mông, kria têx cêr txơưv zênhx, txux chi cxuô hair nênhs huyện Mường La haik tas nro thiaz txux chi jông pêx xênhv xã Ngọc Chiến haik khênhx, chơư kruô nuôv zax hâur zuk tỉnh thiaz luôs tỉnh tuôx ndis saiz, zok cêr txơưv zênhx cxơưz cxiv, siz nus, siz khov, huôv tsar thiaz khov muk đêz đar.

Gruôv pax nox mor blêx yiaz xã Ngọc Chiến shông 2023 tâu nthuôr hâur 2 hnuz (xiaz 2 thiaz xiaz 3/9) ntơưv yar tiax Mường Chiến, xã Ngọc Chiến, huyện Mường La.