Nhiv no, Cêr gruôv pax Mợi tâu kriz lês hâur 3 hnuz (truz lur 4 hnuz njuôk li đrav ntêx). Cêr gruôv pax Mợi muôx: Phênhv tênhr tiav thiaz phênhv gruôv pax, tâu kriz siz nzuôs nzơưk. Cêr tênhr tiav, txir đaz Mợi muôx luk haik, hu trơưk cênhz cưv ntơưv nênhs Mêx Jênhx hu pox côngz zơưv txưr Mợi puôs ntux txiak têz tsâuk lol đros nox hâuk; tas ntơư hu zuk pox côngz zơưv txưr, pox côngz zơưv txưr tos nênhx tsa, xênhz têz xênhz qơư, xênhz hâur đêx, hâur har côngv đros paz tsiv nôngz nênhx mợi lok nox, hâuk, sir zôngv, por hưv por zôngv trâu xênhz lênhx, xênhz nzưr, muôx jos, uô tâu nox tâu hâuk, jêx jok nox tsâu hnar sor.

Tov kaz bưk lais tas pos côngz zơưs côngz Mợi, têx mê nhuôv xênhz nzưr gra têx trôngx hno bưl lais chia tsơưk uô tsâus txos txir đaz Mợi. Tas ntơư, txir đaz Mợi tror lais chia thor cov têx xênhz nzưr muôx jos, ziv nênhs shir phaz, uô tâu nox, tâu hâuk. Suôx câuv, txir đaz Mợi zuôr kria txos pox côngz zơưv txưr Mợi tiak pêx xênhv jêx jok tưz lov jêv cêr gruôv pax tas, thor txiv zôngv cêr sênhr chia xa pox côngz zơưv txưr Mợi muk trâu ntux txiak têz tsâuk.

Phênhv gruôv pax, têx cưk txux sênhr chêr uô vox, sênhr chêr fuôv, sênhr chêr pênhz laz, sênhr chêr ntax, sênhr chêr chos pax uô ntâuz... Têx cêr sênhr chêr no cê pov njôngr kuz chas txux cênhz cưv, cê lês têx cêr uô kôngz lông. Têx nênhs tuôr têx trax shôngz grik thiaz siz khoz, yuôx kênhx maz uô tơưv têx suôz đror lov jêv ntưk trâu cxuô cêr sênhr chêr. Cê sênhr chêr, txir đaz Mợi cê muk ndis têx mê nhuôv tu zus thiaz pêx xênhv jêx jok; zôngv fuôv câur chax đaz cxuô tus nênhs chia chơư pêx xênhv lok côngv sênhr chêr đros txir đaz Mợi thiaz têx nênhs tiav.