Pêx xênhv Poz Ziz đơưz nhoz Quỳnh Nhai nhiv no tsưx ntâu txux chi cênhz cưv jông, hâur ntơư, muôx cêr lês Kin Pang Then. Ntơư zos cêr lês tsênhv chênhz hâur ntu nênhx chia siaz thiaz cêr đaz kruô. Shông 2020, Cêr gruôv pax Kin Pang Then tưz tâu Bộ Txux chi, Thể thao thiaz Nuôv zax muôz trâu ntâuz ntơưr zos txux chi têz qơưk. 

Kin Pang Then lok zos hu uô “cêr saiz hloz mê nhuôv tu zus”, muôx cêr jông siaz lox hâur tsôngv pêx xênhv, muôx cêr haik jax zos pêx xênhv tênhx tus txơưr hlo ntơưv Poz Ziz đơưz. Hâur luk Poz Ziz, “Then” zos nênhs muôx côngz nto bê hâur tsôngv nênhs, khênhr lês têx cêr đaz cêr kruô chia kho moz, thov muôx đas  jos trâu pêx xênhv jêx jok. Têx nênhs moz tov kaz tâu kho jông nhav uô mê nhuôv tu zus ntơưv “Then”. Têx “Then” tưs kho tâu jông moz hax zav ntâu tus nênhs mak hax zav muôx ntâu tus nhuôv tu zus, li ntơư muôx txox cêr chai, iz shông lês iz  jâus kriz siz njiaz njêx muôs mê nhuôv tu zus ntơưv tsêr “Then”. Cêr gruôv pax Kin Pang Then tâu muôx tơưv ntơưr lok thiaz tâu tsưx tsês đhâu ntâu tiav nênhx txos nhiv no.

Cêr gruôv pax Kin Pang Then tâu kriz yênhx shông lok sik 2- 3 shông kriz iz jâus. Ntu kriz lês zos hâu shông, txix hnuz xiaz 3 txos xiaz 10 luz Iz hli ntux. Ntơư zos ntu hâu shông, têx mê nhuôv lok shuôk “Then”, lok cxix cxuô chia haik cưr  cxiax sênhr chêr, lov jêv.

Jông yax hâur Cêr lês Kin PangThen zos phênhv nthuôr sênhr chêr muôx suôz trax, sênhr chêr qaiz siz ndơưk, sênhr chêr fuôv…tâu lês ntơưv têx paz sênhr chêr pox niav lok sik luôs juk txir nênhx thiaz pox niav, tsôngk hnar jông, tơưs pax jênhk, sênhr chêr haik cưr cxiax đros suôz trax flâux tâuz, ntâuk đruôk đax, khoz đruôk nênhz siz shơư nzơưk fiv huv. Lov jêv yax mak phênhv sênhr chêr tăng bu, sênhr chêr uô vox, zos têx suôz sơưr đơưk sênhr, hur si nênhs txuv jâus lês đros côngv nthuôr.