Jâus  txi “Đông Sửa” zos cêr txi ntơưv pêx xênhv, cêr jông txux chi tiz nênhs Poz Ziz ntơưv huyện Yên Châu (txi jôngr muôx lênhx) thor cov ntux yar, ntus nas siz luôs, uô tâu kôngz lông, cxuô tsar zav huôx vav, tiz nênhs muôx jos, jêx jok tâu nox tsâu, hnar sor. 

Thâuv sơưr nzor, têx nênhs lâuk jêx jok, pêx xênhv hâur jok muôx njêx muôs cxix cxuô ntơưv thax tsav jôngr muôx lênhx ntơưv jok. Đros trâu suôz đruôk đax, đruôk  nênhz đror đrông ntưk, pêx xênhv hâur jok côngv luôs cov jôngr nkra, trâur tơưk, chuz mor, tuô buô, kaiz, uô trôngx hno chia txir nênhz lês cêr txi.

Cêr txi, muôx txi txos têx zav, nênhs muôx côngz tsa tơưv jok thiaz iz cêr txi tsưr jôngr. Têx zav tâu muôz txi, muôx: Buô, kaiz, chơưr, cxur blâuv, pênhz laz, txôngz njuôz, yo muôx lênhx ntơưv tsưr jôngr. Đuô li, iz ziv hâur jok tsênhv gra 1 gơưv câux baz nhiax, 1 tus ntâuz đơưz, ntâuz liaz... chia uô cêr txi. 

Cêr txi “Đông Sửa” tsik zos jâus chia pêx xênhv muôx lưs uô tsâus ndo txos têx thơưx đaz muôx lênhx, pox côngz zơưv txưr xưz, mak tsênhv paz cxaz nzir cêr thôngx siaz tsôngv nênhs, pov njôngr kror jông hâur cêr txux chi muôx lênhx ntơưv tsôngv pêx xênhv Poz Ziz xã Sặp Vạt haik khênhx thiaz huyện Yên Châu haik tas nro.