Côngv jias tưr muôx 14 paz nhoz ntơưv 14 xã thax tsav huyện. Iz paz tưr bax iz trôngx mor cênhz cưv. Tiêu chí uô cê zos xair uô têx kak nox cênhz cưv thâuv ntêx, zos pêx xênhv cxuô hair nênhs ntias tus, sir zôngv têx hax huv zênhx muôx txơưv hâur thax tsav. Trôngx  mor muôx cxix cxuô zav kak nox, tâu tênhz lok six jông gâux, hur, tsik hiav txos đas jos.

Yax hlo, trôngx mor tưr jias no zuôr tsuv kria tâu kror muôx txơưr hlo hâur kak nox ntơưv cxuô hair nênhs; muôx tsưr ziv fuô kria trôngx mor tâu jông trơưk njiaz luk, kria pâuz txos txiax njis ntơưv trôngx mor.

Đros trâu trôngx mor cênhz cưv tâu uô ntơưv jias tưr, thành viên cxuô paz tưr tưz kria pâuz tâu zos tus tiz nênhs têk txơưx, têk plias, uô tiz jông lês hâux lưv hâur ntu uô jâuz, mor, tuv tâu trôngx mor jông gâux, kaz. Ntơư zos hâux lưv lok six muôx txiax njis ntơưv Jias grâuv pax Pax lâus tơưs, gruô hu tâu chôngz lênhx kruô nuôv zax đros côngv, cxơưz paz fuô kria têx kak nox kaz hâur thax tsav.