Jâus gruôv pax Thor uô tâu kôngz lông  xã Chiềng Cang tâu uô trâu sâuv sav ntiax , muôx 2 phênhv: Phênhv đaz kruô thiaz phênhv lov jêv. Phênhv đaz kruô zos txir đaz kruô đros hur si têx nênhs nthuôr txux pêx xênhv ntơưv xã lês. Trôngx mor thor uô tâu kôngz lông tâu pêx xênhv hâur jok  gra tuôx, muôx cxur, blêx, poz cưk, chơưr, ntâuz, buô, kaiz thiaz iz cxia zav ntơưv xã  tênhr tiav xênhz têz, xênh qơư , por hưv iz shông muk cax, lok hur , uô tâu kôngz lông  huôv tsar. Cêr uô đaz kruô pênhr phênhv, saiz hloz, đros têx zav txux chi txơưr hlo ntơưv pêx xênhv Poz Ziz.

Tov kaz phênhv  đaz kruô, pêx xênhv  lês phênhv lov jêv đros têx zav uô si tưr thể thao, cêr uô si pêx xênhv tus, li tưr luôx njưs , lo njưs liax; tưr chos zuz liax; krưr nduôr txâuv puôz; côngv cov têx cêr sênhr chêr thôngx siaz, sênhr chêr Poz Ziz kuz chas txux, por poz, sênhr đhia pak, ndê ndêx . 

Jâus gruôv pax Thor uô tâu kôngz lông zos hâux lưv txux chi, đaz kruô jông ntơưv pêx xênhv xã Chiềng Cang  thâuv ntux yiaz tơưv, muôx cêr shir phaz , kaz siaz hâur têx hnuz hâu shông yiaz, paz max txuôs tsês , huôv nzir nux gri txux chi jông ntơưv pêx xênhv Poz Ziz txos têx fâuv tov kaz.