Shông1975, lês trơưk Đảng thiaz Têz qơưk txox chai chia chox pêx xênhv tuôx cxiv tsa thax tsav uô huôv tsar nhiax txiax yiaz nhoz Kâuv Têz Hnuz Pôngz, pêx xênhv jok Nại Tử, xã Hồng Hà, huyện Đan Phượng, tỉnh Hà Tây (kuz) tưz tuôx nhoz trâu thax tsav huôv tsar nhiax txiax yiaz ntơưv xã Chiềng Khương, huyện Sông Mã, tỉnh Sơn La. Chia cov muôx cêr njênhs, muôx qơư trâu pêx xênhv, tỉnh Hà Tây (kuz) txi, ndo txiax njis trơưk li siaz nhiav, tỉnh Sơn La tưz tuôr xav thiaz gruô hu sơưr đơưk têx cêr paz chia xa têx chuôz zênhx hâur vax tsê, têx tưx taik ntơưv thax hlơưr shaz ndo txiax njis Oz tus Pos Trưng ntơưv jok Tân Tiến, xã Hồng Hà, huyện Đan Phượng, tỉnh Hà Tây tuôx cxiv tsa Thax hlơưr shaz ndo txiax njis Oz tus Pos Trưng trâu jok Thống Nhất, xã Chiềng Khương, huyện Sông Mã. Hnuz 11/11/2011, Thax hlơưr shaz ndo txiax njis Oz tus Pos Trưng tâu UBPX tỉnh Sơn La xair tsa hov Pir tsês cêr cxiv tsa têz qơư cấp tỉnh.

Jâus grâuv pax hlơưr shaz ndo txiax njis Oz tus Pos Trưng  tâu kriz muôx phênhv hlơưr shaz thiaz phênhv grâuv pax. Phênhv đaz kruô, muôx mul cưr đêx thiaz hlơưr shaz ndo txiax njis. Jâus cưr đêx muôx têx paz tsêz nhiax, gra hno uô đaz kruô, tsa qix, cxuô zav ntiv, huz ntiv đêx, cưr luz tsêr tsar đaz kruô, paz nênhs hlơưr shaz ndo txiax njis.

Phênhv hlơưr shaz muôx têx hâux lưv ntâuk đruôk kriz grâuv pax, tso pax, hlơưr shaz ndo zênhz côngz lox hloz ntơưv Oz tus Pos Trưng hâur xưv cxênhx tir ntâuk tros, por hưv têz qơư; kria têx hâux lưv huyện uô tâu hâur shông nhiv kruôr đhâu; haik cưr cxiax, uô têk tơư, sênhr chêr khar nxias, ntâuk đruôk grâuv pax.

Phênhv grâuv pax muôx têx cêr uô si cênhz cưv, li: Siz mok, truz hluô, ntâuk cờ tướng, tưr uô mor, por poz, gruô hu chôngz pêx xênhv thiaz kruô nuôv zax tuôx ndis shuôk.

Jâus grâuv pax Hlơưr shaz ndo txiax njis Oz tus Pos Trưng tâu kriz chia kria cênhz cưv nhiav têz qơư, pov njôngx txox chai "Hâuk đêx ndo kror cxơưr" hâur pêx xênhv. Đros ntơư, fuô kria nux gri ntơưv qơư pir tsês, muôx qơư muk lok, muôz qơư pir xav yênhx qơư nuôv zax txux chi đaz kruô jông trâus kruô nuôv zax hâur zuk thiaz luôs oz chas têz qơư siaz nhiav./.