Nhiax cơưv ntơưr “Cơưv tsik muôx hnuz cơưs” zos cêr xar ntơưv Trung ương Hội Cxơưz cơưv ntơưr Việt Nam, chia lês luk kria ntơưv Hloz Hôx tsês trâu tuz cơưv, sinh viên trâu siaz cơưv ntơưr, hla đhâu cêr txov nhêv, cơưv tâu jông thiaz nênhs tiar nênhs gruôs cơưv ntơưr, sir zôngv muôx liv têx txux chi tưz cơưv trâu hâux lưv, zos nênhs uô jông lok sâuv cơưv ntơưr tax tas ntax nênhs hâur xã hội, tsôngv nênhs.  

Ntơưv tỉnh ta, cêr siz tưr cxiv tsa xã hội cơưv ntơưr trơưk siaz xav “Cơưv tsik muôx hnuz cơưs” ntơưv Chủ tịch Hồ Chí Minh tưz uô tâu muk đêz đar txos têx thax tsav, cơ quan, đơn, vị, tsêr luôv, hâur têx ziv nênhs, xênhv nênhs thiaz yênhx tus pêx xênhv zuk thax tsav.

Txos nhiv no, hur si tỉnh muôx 234.902 “Tus pêx xênhv cơưv shâuv”; 213.055 “Ziv nênhs cơưv shâuv”; 1.037 “Xênhv nênhs cơưv shâuv”; 2.227 “Tsôngv nênhs cơưv shâuv”; 875 “Đơn vị cơưv ntơưr”. Hâur ntơư, muôx ntâu đơn vị, tus khênhx nto mông hâur cêr siz tưr “Cơưv tsik muôx hnuz cơưs”. Hâur 3 shông (2022-2024), tỉnh tưz choz nhiax cơưv ntơưr “Cơưv tsik muôx hnuz cơưs” trâu jê 600 tus nênhs tiar nênhs thiaz tuz cơưv, sinh viên nto mông, txơưx yax.

173 tus khênhx tâu côngz thiaz choz nhiax cơưv jâus no zos tuz kôngz nto mông, tus khênhx tâu tik côngz bê cưk yuôx nto bê, cưk txux nto bê, tiến sĩ, cưk kria ntơưr nto bê; tuz cơưv, sinh viên nto mông, tuz cơưv tâu côngz coz têz qơư, xav hur si têx nhiax cơưv ntơưr choz ntơưv jâus no muôx 185 triệu đaiv.

Fuô luk ntơưv Jâus no, đồng chí Chủ tịch UBPX tỉnh cxiz cov têx thax tsav, têx cơ quan, ban, ngành, đoàn thể tror moz siaz tu saiz côngz xưv cxơưz cơưv ntơưr, cxơưz txơưx njê, sir jos fuô kria cêr cơưv shâuv, fuô lês thiaz siv zôngv muôx liv, toz đêz siaz xav Hồ Chí Minh lok sâuv tưx cơưv ntơưr, cơưv tas ntax nênhs, cxiv tsa xã hội cơưv ntơưr đros ntâu txox chai cxix cxuô, cxuô zav, fiv huv tsênhz mênhx zuk thax tsav, qơư nhoz. Têx tus khênhx tâu kruôk tror sir jos cơưv shâuv, uô nuv, lês muk đêz đar cêr trâu siaz tưx cơưv ntơưr, tưx shâuv jông trâu zuk tus khênhx txos ziv nênhs thiaz xã hội, siz chos huôv tsar xưv cxênhx choz, kria ntơưr ntơưv tỉnh.

 Cias tov kaz Jâus no, Ban kriz lês tưz tso luk gruô hu siz tưr “Cơưv tsik muôx hnuz cơưs”, “Pêx xênhv cơưv ntơưr số” txos hur si cán bộ, đảng viên, nênhs uô nuv hâur têx cơ quan, đơn vị, tsêr luôv, têx nênhs vũ trang, têx  huyện, thành phố.