Têx hnuz kaz tuần, jok Hua Tạt lov jêv đros têx paz kruô hâur zuk thiaz ntiax têz. Ntơưv A Chu luz tsêr kruô homestay, muôx tox trôngz har jông đros trur tsês vor ntông, têx kruô tưz jông siaz ndis saiz đros pêx xênhv jêx jok đrax tiaz trâu têx ntâuz trâuk gax. Iz zav nuv uô trơưk cênhz cưv tưz tâu pêx xênhv Hmôngz ntơưv no tsưx tsês đhâu ntâu fâuv nênhs lok.

Pos Nắng Xênhv Zax, jok Hua Tạt, thav pâuz: Nhiv no, tiv cêr huôv tsar ntơưv công nghiệp li ntơư cêr khov sir zôngv ntâuz txaix đrax chiaz ntaz hâur ntu nênhx tsơưs. Viv muôx cêr nuôv zax tsôngv nênhs, hâux lưv đrax tiaz txix chiaz ntaz trâu ntâuz max tâu kho uô đuô, tsưx tsês, pêx xênhv Hmôngz nhoz Hua Tạt muôx nzir cêr nox nhoz yiaz.

Muk txos trâu têx tsêr kruô homestay nhoz Hua Tạt, kruô nuôv zax zuôr tâu kria cxix cxuô txix lưv ciz nhox chiaz ntaz, đrax, trâuk, hâu ntâuz, jiaz thiaz nhav têx hâux lưv uô tâu. Txix têx pax ntâuz tơưs pax jênhk, tsuôk zos muôx li iz six hơưv xưz, têx kruô nuôv zax tưz muôx kror uô tiar iz zav huv lox đar 25x25cm thiaz zuôr chia saiz đaz muôs. Gri iz pưs kruô txix 4 – 6 tus nênhs ndis saiz đrax chiaz ntaz sâuv têx ntâuz mak 400.000 đaiv nhiax,tưz luôs juk nhiax zuôr têx zav uô tơưv thiaz têx huv uô tiar.

Tuôr ntơưv têk têx pax ntâuz txaix đrâus jênhk txix zuk cxaik têx tưx đrax, muôv Giulia, kruô nuôv zax têz qơư Ý, luôs nxi thav: Uô ntêx zuôr tuôx ntơưv no, cur tsuôk pâuz têx tsôngk hnar ntâuz txaix đhâu têx qar huv saiz đaz muôs. Taz sik thâuv tâu tưx zuk cxaik têx hâu chiaz ntaz, tuôr chưx đrax ntâuz thiaz pâuz tâu têx txux chi cok yưv ntơưv đaiv ntâuz, cur thiax pâuz tâu kror txơưx, ntov nti thâuv uô tâu yênhx hax huv, pov tâu cêr nhiav txux chi ntơưv pêx xênhv nhoz ntơưv no.

Đros trâu đrax ntâuz zôngv chiaz ntaz, cêr uô ntơưr ntơưv tiz nênhs Hmôngz cux tâu ndis saiz gas siaz thiaz tâu ntâu tus kruô nhiav thâuv muk txos Hua Tạt. Tix lâus Cuôv Xênhv Tsaz zos tus xuz hâur jok muôz cêr uô ntơưr uô yênhx huv nuôv zax. Tix lâus Cuôv thav pâuz: Tsưr ziv uô ntơưr ntơưv pêx xênhv Hmôngz muôx li 300 shông đrav ntêx lok thiaz tâu kria đhâu ntâu fâuv lok. Nhiv no nuôv zax huôv tsar, cur tưz đros côngs nênhs jông siaz tuôx têz qơư Singapore muk ndis saiz, cơưv tâu thiaz sâu đuô cxix cxuô lưv ciz uô ntơưr, kho sâu yênhx ntâuz ntơưr oz zav luk Việt thiaz luk Anh,  paz kruô nuôv zax zôngx ziv chuôs tâu thiaz pâuz nzir txos cêr uô  ntơưr trơưk cênhz cưv.

Kruô nuôv zax luôs têz qơư ndis saiz uô ntơưr ntơưv jok Hua Tạt, xã Vân Hồ.

Nus nzir thiax pâuz, paz nênhs cơưv uô ntơưr tsês trâu têx paz txix 4 – 6 tus nênhs muôx gri 300.000 đaiv nhiax/lưv, đros têx ntu uô, li: Luz haik ntơưr, têx ntơưr, pliak riz hmôngr uô ntơưr, jiaz kruôr thiaz uô tơưv têx caz cêr txaij đrâus jênhk. Zos têx kruô xar ndis saiz nzir têx hâux lưv nriar zav lok uô ntơưr, kria hâu shôngz têx nhiax sir ndê txos li 500.000 đaiv/lưv.

Chia muôx nzir cêr ndis trâu kruô nuôv zax, pêx xênhv nhoz Hua Tạt tưz xar tâu uô ntơưr đrax cok chiaz ntaz chia lok uô cov jông fiv,li: Uô tênhz tơưk, cok zênhx zav đai faz nja, fâu ntơưr sâu gra đros têk handmade, zênhx jông gâux, têx zav cok sâu tsês lok sik ntơưr sâu jaik chêr tơưs pax (thư pháp).Kruô nuôv zax tuôx txos jok cux lok sik lov jêv đros cêr ndis saiz cok têx zênhx zav uô pax ntơưr lok sik tưx têk uô tâu luz tênhz ntơưr trâu zuk tus khênhx.

Têx hâux lưv têk uô trơưk cênhz cưv txơưr, li: Ntâuk triav, sơưk ntuôs, ntok ntâuz, nria tiaz ntơưv tsôngv pêx xênhv Hmôngz zuôr tror yênhx têx huv nuôv zax paz tsar cêr ndis saiz trâu têx kruô nuôv zax thâuv tuôx txos jok Hua Tạt. Tix lâus Tsu Xênhv Tsaz, tsưr tsêr kruô A Chu homestay, thav tiak: Pêx xênhv uô kôngz tas (luz 7 - 8 hli) shênhx têk, tsik muôx nuv uô, nuôv zax paz lơưr muôx nzir đaiv nhiax txix li paz kria kruô ndis saiz, paz têx kruô nuôv zax ntox ndis lok sik uô tơưv huv  handmade muôs trâu kruô nuôv zax ... Muôx nuôv zax, ntâu zav nuv uô trơưk cênhz cưv tâu kho đuô uô paz max thiaz huôv nzir nux gri.