Hur si tỉnh muôx zuôr luôs 2.900 kror qơư pox niav por hưv đêx ar, huôz chuô nyiaz hur, hâur hli 8, tưz paz 127 zis nênhs uô kror đêx hur sir zôngv thiaz 23 zis cxiv cxiv puôz tsêr đa đêx txâuk chai; kriz suô khâuz nhaz ntơưv têx cêr hâur jêx jok... cxơưz paz cxaz nzir cêr pâuz lok sâuv por hưv đêx ar, huôz chuô nyiaz hur trâu têx hội viên pox niav, côngv têk đros thax tsav cxiv tsa jêx jok yiaz, đrôngs vav mênhx.

Nhiv no, xã Kim Bon chos yax 321 ha tâux nxư phênhv ntâu chos trâu têx jok Trung Thành, Suối On... zov chênhr zos têx nôngz VA06, tâux nxư njuôz.

Lês Dự án 1, hâur Têz qơưk luôs hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz ntu 2021-2025, tỉnh tưz muôz nhiax paz uô tâu ntâu kror qơư đêx hur trâu pêx xênhv hair nênhs tsơưs chia cxơưz pêx xênhv luz nênhx tâu jông.

Sơn La muôx 12 hair nênhs nhoz uô cê. Iz hair nênhs muôx têx têx zav thể thao cênhz cưv txơưr hlo, li por poz, ntâuk txir toz, muk tơư nênhk, ntâuk vêx vôngs, lok sik njuôk jos, tuô hnênhr... khênhr tâu kriz tưr trâu têx hnuz kriz cêr grâuv pax, hnuz tsiaz, muôx cêr lov jêv, yênhx iz phênhv muôx hâur pêx xênhv luz nênhx.

Hur si tỉnh muôx 22 paz tuôr nhiax, đros trâu 51 phòng, 143 kror qơư muôz nhiax txaik, 81 máy ATM/CDM thiaz 168 kror qơư sir zôngv thẻ POS. 8 hli đhâu, xav hur si têx paz tuôr nhiax tưz gruô hu tâu 42.500 tỷ nhiax, tsar 10,82% njuôk li shông 2024; taz tov muôz txaik 51.800 tỷ nhiax, tsar 8%.

Hnuz 9/9, Văn phòng UBPX tỉnh tưz kria nzir tsưr ziv zôngv số paz max hâux lưv uô ntâuz ntơưr cov sai thiaz uô ntâuz ntơưr têz qơưk tsik xav thax tsav tưs puôr lênhx paz max uô iz zav thôngz tỉnh. Jias no, cơưv tâu kriz yưv ti vi thôngz plơưk UBPX cxuô xã, phường hâur tỉnh.

Hur si têx hax huv muôs hâur thôngz tỉnh hli 8 tâu yax 3.467 tỷ đaiv, tsar 16,5% njuôk li chaix no tsaiz no. Têx hax huv tsar siaz li: Chuôz zênhx kho yêz lox, yêz mair tsar 38,85%; hax huv txơưr tsar 33,26%; kak nox tsar 27,1%; trox yêz, trox a tsar 21,12%; ntông thiaz chuôz zênhx cxiv puôz tsar 8,12%...

Hnuz xiaz 9/9, ntơưv tỉnh Sơn La, Trung tâm Cxơuz paz pêx xênhv uô kôngz têz qơưk tưz đros Sở Kôngz lông thiaz Môi trường Sơn La kriz jias siz thav “Cxaz nzir cêr pâuz lok sâuv chos, tu jâuz hur” nhoz hâur Dự án “Cxaz nzir têx jâuz hur ntơưv têx tỉnh Kâuv têz Việt Nam”.

Hnuz xiaz 9/9, Ban Uô hâux lưv jông Giáo hội Phật giáo Việt Nam tỉnh Sơn La tưz đros UBPX phường Chiềng An muôz 120 triệu nhiax paz tix lâus Quàng Anh Tuấn, zis nênhs nhoz jol Tam Quỳnh, uô tsêr yiaz.

Hnuz 8/9, têx đồng chí Quàng Văn Hương, Phó Chủ tịch Hội đồng Dân tộc ntơưv Quốc hội; Hoàng Thị Đôi, Ủy viên Hội đồng Dân tộc ntơưv Quốc hội, Lưv thơưx Paz chuyên trách Paz đại biểu Quốc hội tỉnh đros Paz đại biểu Quốc hội tỉnh Sơn La tưz muôz nhiax paz kho đơưk têx zav mas ntux nas hiav thax tsav tỉnh Sơn La.

Uô cov tâu trơưk chai lok sâuv vax tsê thiaz têx paz cưk kria, yôngv siaz cêr choz kria ntơưr lol sâuv cxuô zav, saz Choz kria ntơưr Sơn La tưz fuô lês jông ntâu faz tsưr ziv kriz đar qơư cơưv, uô jông kria cov muôx yar cơưv tâu chai li têz qơư xav, cxiv kho qơư choz kria ntơưr nhaz xênhz.

Hur si tỉnh muôx 1.094 hợp tác xã, yax 39.500 thành viên. Hâur ntơư, 883 hợp tác xã kôngz lông, muôx phênhv shuôv kria tsưr ziv uô nox yiaz, cxiv tsa têx tsưr ziv siz chos uô lax luôv, xav tơưv hax huv jông, paz tâu tiz nênhs siaz nhiav thiaz thành viên sâu tâu nhiax.

Xav txix hâu shông txos nhiv no, pêx xênhv xã Sốp Cộp chos yiaz 38 ha txir thênhx caz, lưk pax, cxaz trâu hur si têz chos ntông nox txir txos 450 ha, hâur ntơư, yax 270 ha tưz tâu sâu txir, xav sâu tâu 760 tấn txir, phênhv ntâu zos thênhx caz, lưk pax, thênhx caz zâu tơưr nhiak... paz trâu pêx xênhv sâu nju nhiax.

Xã Chiềng Mai muôx yax 3.600 ha cà phê, phênhv ntâu chos trâu têx jol Củ, Phiêng Quài Tong Chinh, Sàng Nà Tre, Thộ Pát, phênhv ntâu zos zav nôngz Arabica, sâu nju siz bâus tâu 23 tấn/ha njuôk xav chiv shông no sâu tâu zuôr luôs 78.000 tấn txir nhôngk.

Hnuz xiaz 7/9, ntơưv thax qơư nuôv zax Mộc Châu Island, Ban tso yar jias tưr Gâux Njuôz nuôv zax hair nênhs tsơưs Việt Nam. Jias no, muôx nov chox car Sở Txux chi, Thể thao thiaz nuôv zax tỉnh Sơn La, hlôngr njêx muôs têx đơn vị paz nhiax, têx cơ quan thông tấn báo chí hâur têz qơưk.

Hnuz xiaz 7/9, Hội Chữ thập đỏ tỉnh Sơn La tưz đros Hội Chữ thập đỏ Thành phố Hà Nội thiaz ziv nênhs Chữ thập đỏ Niav nzơưv Ngọc Mai - Thường Tín siz chos krưr huv têx ziv nênhs thiaz shuv xênhz muôx luz nênhx txov nhêv ntơưv xã Song Khủa.

Hnuz xiaz 6/9, đồng chí Hoàng Quốc Khánh, Bí thư Tỉnh ủy thiaz côngz xưv tưz cxênhz yuôx côngz xưv bax cxiv puôz yar cơưv phổ thông nội trú liên cấp tiểu học - THCS ntơưv têx xã đriv têz: Xuân Nha, Chiềng Sơn thiaz Lóng Sập.