Uô nênhz saiz jêx jol lok zos hnuz grâuv pax thor ntux nas ntơưv hair nênhs Poz Ziz nhoz xã Sốp Cộp, tâu kriz luz 3 hli ntux yênhx shông chia ndo txiax njis têx nênhs tsa tơưv jêx jok. Đros ntơư, thor paz tâu jông ntux, sâu nju kôngz lông. 

Phênhv đaz kruô tâu kriz ntơưv Thax txi Lắc Mẳn, jok Sốp Cộp, xã Sốp Cộp, Thax txi tâu UBPX tỉnh công nhav zos Puôr fênhx txiax njis- txux chi cấp tỉnh hnuz xiaz 9/12/2024. Thax txi Lắc Mẳn mak muôx: Thax txi zơưv txưr thiaz Thax txi pox côngz. Hnuz xuz thơưx zuôr zos phênhv cêr chai “Cúng tỷ” (cêr chai chơư) ntơưv Thax txi pox côngz; pêx xênhv uô jông bax graix buô, mor blâuv chia txi. Hnuz tiv oz txi "Lắc mẳn” ntơưv Thax txi zơưv txưr zos hnuz zov chênhr hâur phênhv đaz kruô. Tsuv uô jông bax têx zav li: Trôngx mor thiaz iz tus tưv chia txi, thor paz tsưx hưv jêx jok nox nhoz lov jêv njias to, pox niav txir nênhx muôx đas jos, kôngz lông hloz jông, sâu nju; tsiax cxu vav chôngz. Hâur hnuz, pêx xênhv zuôv tsuv chair tsik êv, cưr uz no, tsik khơưz, ndơưk ar, txiar ntông, txiar tơưk, tsik muk har jôngr. 

Tov kaz uô tiar phênhv đaz kruô, tưz kriz phênhv nthuôr cêr lov jêv, đros trâu têx phênhv tưr: Pok kror muôk cxov ok, pok kror muôk ntâuk đruôk, tưr cxov njêk. Yênhx phênhv tưr muôx 15 paz nênhs, tuôx ntơưv têx jok, cơ quan, đơn vị hâur thax tsav xã Sốp Cộp. Têx phênhv tưr tưz tâu nthuôr lov jêv ntưk, muôx chôngz pêx xênhv thiaz kruô nuôv zax tuôx saiz, buôx têk nxias. Suôx câuv Hnuz grâuv pax, pêx xênhv thiaz kruô nuôv zax tưz siz chos por poz, hâuk chơưr xơưk thiaz tuôr têk sênhr chêr thôngx siaz.

Hnuz grâuv pax txi Xênhz têz xênhz qơư zos hair nênhs Poz Ziz xã Sốp Cộp cêr chai cênhz cưv hâur luz nênhx, chia cxơưz Puôr fênhx Txiax njis-Txux chi Thax txi Lắc Mẳn kror muôx gri. Đhâu no, ntuôk pêx xênhv thôngx siaz, sik tưr huôv tsar kôngz lông, cxiv tsa luz nênhx muôx txux chi.