Jok Chiềng Đi 1 tâu tsa tơưv shông 2000. Nhiv no, jok muôx 174 ziv, muôx 780 lênhx đros trâu 5 hair nênhs nhoz uô cê. Huôv nzir têx zav zuk đêx ar txơưv zênhx, nhoz jê cêr yêz lox số 6, zos Thax tsav nuôv zax Têz qơưk Mộc Châu, jok Chiềng Đi 1 sir jos huôv tsar nuôv zax jêx jol txix shông 2019 txos nhiv no. Ntơưv no zos qơư nhoz ntơưv tsôngv pêx xênhv Hmôngz thiaz Cho, tsênhv tsưx tâu ntâu nux gri txux chi cênhz cưv li têx suôz kênhx, cêr sênhr chêr, tsôngk hnar tơưs pax jênhk cxuô zav xiv thiaz têx zav xuôk têk uô đros đraiv cêr nox nhoz hâur yênhx hnuz.

Txix li cêr txơưv zênhx ntơư, shông 2023, jok Chiềng Đi I tâu côngk nhav zos qơư nuôv zax cấp tỉnh. Jok nhiv no muôx 6 luz tsêr kruô homestay, tsưx truôx kriz ciaz tênhv chaix hmo ntux trâu hmo thứ 7 yênhx tuần. Txos nhiv no, sâu nhiax siz bâus trơưk toz hâu nênhs tâu 35 triệu đaiv/nênhs; tiv tsôngv ziv pluôs ntơưv jok yuôr 2%; 100% cêr mul lol đruôz jok tâu lênhv bê tông...

Tov kaz jâus kriz, tưz muôx tso nênhs đhia trơưk cêr zâu marathon đros trâu 40 tus vận động viên, zos pêx xênhv nhoz hâur jêx jok. Têx vận động viên đros đhia ntêr li 6 caik, txox cêr đruôz jok muk đhâu têx trôngz yuôx zêx, têx vax txir nkhơưz kaz jiz,... Hâur cxiax cxênhv, tsênhv kriz têx hâux lưv tưr tuô hnênhr, ntâuz thair kror muôs cxov ok, ntâuk vêx vôngs, njuôk jos, muk tơư nênhk, tuôr nduôr blâuv, tưr uô mor cuôv, nthuôr cêr lov jêv cưr cxiax sênhr chêr...

Hnuz grâuv pax tưz muôx chôngz pêx xênhv tuôx saiz cxơưz jos, đhâu ntơư, siz chos yâu mông, kria txux chi thiaz cêr txơưv zênhx nuôv zax ntơưv jok Chiềng Đi I.