Shông no, hnuz grâuv pax tâu kriz hâur 2 hnuz (14 - 15/3), pêx xênhv, kruô nuôv zax tưz côngv nthuôr txux chi, haik cưr cxiax, ntâuk bóng, uô têx cêr uô si pêx xênhv tênhz tus, nox jâuz mor kaz lov jêv, shir phaz lus.

Hnuz grâuv pax muôx 2 phênhv: Phênhv đaz kruôk thiaz phênhv nthuôr cêr lov jêv. Phênhv đaz kruôk tâu kriz ntơưv thax txix Gâux njuôz Bẳng Mương. Cêr txi tâu nênhs hlôngr njêx muôs xã thiaz 7 luz jok hâur xã bax, têx trôngx mor txi cux tâu pêx xênhv uô jông bax cxix cxuô li: Mor blâuv, chơưr, graix, njuôs,…Cêr txi tâu txir nênhz txi đros têx cxênhx cxênhv: Chơư xênhz têz xênhz qơư thiaz Gâux njuôz Ban lok đros pêx xênhv nox hâuk, côngv cêr lov jêv thiaz thor cov por hưv pêx xênhv iz shông tâu jông ntux, uô tâu kôngz lông. 

Hâur phênhv kriz cêr lov jêv tưz nthuôr ntâu kror li: Truz hluô, por poz, njuôk jos…muôx yax 150 lênhx txuv tưr tuôx ntơưv cxuô luz jok. Têx phênhv tưr puôr lênhx pov tâu cêr lov jêv, cuz siaz lus. Lar haik, ntơưv phênhv tưr cxov njêk, tưz kria trâu sơưr đơưk pâuz mênhx đuô hair nênhs Poz Ziz thax tsav no luz nênhx. Đhâu têx suôz luôs buôx têk nxias, chor nênhs no tưz nzaz nzơưv zuk tsưr ziv, pênhr xưv chia tưr cxov cov tâu ntâu tus njêk.

Zos jâus xuz thơưx tuôx trâu Vân Hồ ndax xã Chiềng Khoa kriz hnuz grâuv pax Pax huôv tsar shông 2025, niav lâuk Nguyễn Thị Thanh Nhàn, kruô nuôv zax tuôx ntơưv thành phố Thái Bình, tưz tâu ndis shuôk trâu cxuô kror qơư, zuôr ndo njôngr têx kror no tsik plox trâu đruôz siaz, niav lâuk Nhàn thav: Cur pov zav pax nox njia lok six jông gâux thiaz muôx txiax njis zov chênhr trâu hair nênhs Poz Ziz ntơưv no luz nênhx. Tsik tas li cur tsênhv tâu nox jâuz mor kaz muôz pax huôv tsar uô thiaz uô têx cêr uô si pêx xênhv tênhz tus lov jêv ntưk.

Zơưs Vì Văn Triền, Chủ tịch UBPX xã Chiềng Khoa, huyện Vân Hồ, thav: Têx shông đhâu, đros txuôs jông kriz Hnuz grâuv pax Pax huôv tsar, xã tsênhv tsik tsês zaz zâuv pêx xênhv txuôs jông zuk hair nênhs têx txux chi cênhz cưv li: Tsôngk hnar, jâuz mor, sênhr chêr,…paz kria têx kruô đêz jê pâuz xã têx txux chi jông, xênhz txơưv, cêr muôx liv lok sâuv nuôv zax.

Hnuz grâuv pax Pax huôv tsar Chiềng Khoa tưz nthuôr ntâu txux chi jông uô tâu ntâu kror lar kruôk, yênhx kror qơư nuôv zax jông tâu ntâu tiz nênhs pâuz txos, nhiav xair tuôx shuôk thiaz nuôv zax hâur hâu shông. Ntơư zos luôs hâux lưv tâu xã Chiềng Khoa kriz hâur yênhx shông chia txuôs jông, huôv tsar hair nênhs Poz Ziz txux chi cênhz cưv kror muôx gri. Đros ntơư, cux zos luôs hâux lưv chia kria đuôz nuôv zax Chiềng Khoa – Vân Hồ txos têx kruô hâur tỉnh thiaz oz chas tỉnh côngv pâuz chơư chôngz kruô tuôx ndis shuôk trâu ntơưv no.