Jias uô hâux lưv, muôx đồng chí Nguyễn Thành Công, Phó Chủ tịch UBPX tỉnh; nov chox car UBPX cxuô xã, phường thôngz tỉnh; nov chox car têx đơn vị, qơư choz kria ntơưr zos Sở saiz car.

Shông cơưv 2024-2025, trơưk ngành choz kria tỉnh têx hâux lưv tưz sir jos njok lês tâu jông. Txos nhiv no, thôngz tỉnh muôx 437/596 luz Yar cơưv txâuk chai têz qơưk, ntâu đuô 3% njuôk li Nghị quyết tuôr xav thiaz tsar 150 luz yar cơưv njuôk li thâuv hâu ntu. Têx qơư choz kria, tsêr cơưv tâu cxưx nhiax uô, cxơưv txưv chuôz zênhx, tỷ tsôngv têx qarr tsêr cơưv tâu uô khor kho txênhz yax 73%. Tỉnh Sơn La tưz kria tiar hâur pâuk ntơưr, choz kria tiểu học thiaz THCS hov 2.

Jias tưr tas ntơưr THPT shông 2025, tỷ tsôngv tưr tâu thôngz tỉnh txênhz yax 99%, lês tiar hâux lưv tuôr xav. Cxơưz hâux lưv choz kria jông đuô ntu uô ntêx, muôx 34 tus shâuv xênhz tưr tâu shâuv xênhz coz thôngz têz qơưk THPT shông cơưv 2024-2025, tsar yax 14 giải njuôk li shông cơưv uô ntêx; tưz hlôngr số paz max hâux lưv saiz car thiaz choz kria. Tas nro ngành muôx 95% tus cưk kria txơưx zôngv công nghệ thông tin paz max hâux lưv bax ntơưr kria, 100% qơư choz kria txuôk thôngz mạng Internet; 100% shâuv xênhz têx ntâuz ntơưr muôx mã điện tử, hâur tas nro ntu cơưv shâuv puôr lênhx zôngv học bạ điện tử.

Shông cơưv 2025-2026, Sở Choz kria zuôr tsi njênhk uô cov tiar cêr chai thiaz hlôngr yiaz côngz xưv saiz car choz kria; hlôngr số paz max, uô têx ntâuz ntơưr zôngx ziv; lês jông hâux lưv choz kria cxuô tsar zav cov cxix cxuô thênhv cơưv; kria cán bộ saiz car txơưx lês hâux lưv; cxơưz trâu hâux lưv đros oz chas têz siz khov, choz kria tâu chôngz nênhs txơưx lês hâux lưv trâu tỉnh thiaz têz qơưk.

Muôx lul trâu jias cơưv, đồng chí Nguyễn Thành Công, Phó Chủ tịch UBPX tỉnh tưz kruôk têx hâux lưv ngành choz kria tỉnh Sơn La tưz lês tâu jông hâur shông cơưv 2024-2025, chuôz jos lês tiar hâux lưv tuôr xav huôv tsar nhiax txiax – xã hội ntơưv tỉnh. Cxiz Sở choz kria tỉnh tror saz lax trâu UBPX tỉnh bax têx cêr chai choz kria nênhs lês hâux lưv Choz kria cov jông; hlôngr số paz max hâux lưv saiz car thiaz choz kria; cxưx nhiax kho vax tsê paz max hâux lưv choz kria, lar haik mak thax tsav px hair nênhs tsơưs, thax stav tsênhv lok six txov nhêv hâur tỉnh.