Har Ntôngx zos iz hâur têx xã tox siaz ntơưv huyện Bắc Yên, 100% zos Hmôngz, đêx ar huôz chuô lax nziak thơưv shông, muôx ntâu tox trôngz hâur pês siaz. Zơưs Chơ Xênhv Muôk, Phó Bí thư Thường trực Đảng ủy xã haik tiak: Đảng ủy xã tưz xair hâux lưv txuôs jông, huôv tsar cưr tix Hmôngz têx kuz chas txux đros  trâu  huôv tsar nuôv zax truôx njês zos luôs hâux lưv yiaz hâur cxuz cêr yaiz pluôs ntơưv thax tsav. Đảng ủy xã tưz chox car UBPX xã thiaz têx jok moz siaz zaz zâuv, uô jông kria Pêx xênhv pâuz nzaz nzơưv xênhz txơưv, têx kror muôx liv chia huôv tsar têx tsưr zivnuôv zax. Đros têx yar cơưv siz chos muôz cưr tix Hmôngz têx kuz chas txux lok kria, pazshuv xênhz pâuz txuôs jông thiaz huôv tsar zuk hair nênhs têx kuz chas txux.

Txuôs jông thiaz huôv tsar cưr tix Hmôngz txux chi tsôngk hnar tâu xã zaz zâuv, gruô hu Pêx xênhv txuôs jông hâux lưv ntos ntâuz, nria tơưv lâus uô tơưv têx pax ntâuz, huv saiz đaz muôs  jông gâux muôs trâu kruô nhiav zuôr lok zôngv. Niav lâuk Xoa Xênhv Shôngx, jok Chống Tra, xã Har Ntôngx, thav pâuz: Pox niav Hmôngz tus tưs cux pâuz nria tơưv lâus, xơưk, tưx pâuz uô zuk hair nênhs têx tsôngk hnar. Tsêr nênhs têx tsôngk hnar hâur yênhx hnuz puôr lênhx zos pox niav tưx uô tơưv. Nhivno, ntâu tus kruô tuôx shuôk thiaz nuôv zax hâur thax tsav puôr lênhx xar ntiar tsôngk hnar chia cxaik zênhx zav, cơư đuôz, li ntơư cur thiaz iz cxia tus pox niav hâur jok tưz cxiv tsa tâu tsưr ziv muôz ntiar tsôngk hnar, cê txuôs jông hâux lưv nria tơưv lâus, xơưk tsôngk hnar sâu tâu nhiax txiax sir zôngv.

Xar txuôs jông zuk hair nênhs têx kuz chas txux thiaz huôv tsar nuôv zax hâur thax tsav thiaz nhiav yuôz kênhx Hmôngz, zơưs Tôngx Nqai Xênhv Thox, jok Chống Tra,txuôs jông hâux lưv uô kênhx Hmôngz, têx traz kênhx zos zơưs uô tơưv tâu ntâu lênhx nhiav tuôx nus zuôr. Zơưs Tôngx Nqai haik tiak: Nhiv no, xav 1 hli cur uô thiaz muôs tâu 5 traz kênhx, paz ziv nênhs sâu tâu yax 15 triệu nhiax/hli. Cur tsênhv uô jông kria trâu têx mê nhuôv, tuz las tuz lis pâuz yuôz, uô tâu kênhx, xar cov lơưr txuôs jông thiaz huôv tsar cưr tix Hmôngz têx kuz chas txux.

Iz chas ntơư, txix têx hâux lưv, dự án cxưx nhiax uô ntơưv têz qơưk, xã Har Ntôngx tưz moz siaz cxiv puôz tsêr txux chi uô ntêx thiaz lês muôx kaz hâu cêr sik tưr “Hur si PX thôngx siaz cxiv tsa luz nênhx muôx txux chi” đros trâu huôv tsar nuôv zax. Txos nhiv no, 100%luz jok muôx tsêr txux chi; txuôs jông têx paz nênhs haik cưr cxiax tsik tsês cơưv shâuv hâur yênhx hnuz; muôx cêr chai...Nzaz nzơưv têx kror muôx liv lok sâuv nuôv zax, hur si xã muôx 10 luz tsêr so, tsêr kruô jêx jok, paz tâu zênhx max 75% tus kruô siaz nhiav.Lar haik shông 2022, xã tưz tok tâu yax 35.000 tus kruô tuôx shuôk thiaz nuôv zax; xav nhiax nuôv zax sâu tâu  5 tỷ đaiv.

Har Ntôngx muôx qơư nuôv zax jông “Chax trôngz Khủng Long” ntơưvjok Chống Tra taz tov tâu ntâu kruô nuôv zax tuôx shuôk. Chox pêz muk shuôk “Chax trôngz Khủng Long” thiaz kria pâuz cưr tix Hmôngz thax tsav no txux chi, zơưs Jêz Xênhv Thox, Bí thư chi bộ, hâu jok Chống Tra, haik tiak: Kruô nuôv zax tuôx txos no iz chas tâu pov tox trôngz hâur pês siaz, tsênhv tâu pâuz cưr tix Hmôngz têx kuz chas txux.Viv li, pêz tưz tsik so zaz zâuv, gruô hu PX txuôs jông zuk hair nênhs têx kuz chas txux; cxiv tsa paz haik cưr cxiax; siz chos kriz têx hâux lưv txux chi, cê kria pâuz Pêx xênhv cxuô hair nênhs txux chi jông, cê gruô hu têx kruô đêz jê tuôx shuôk thiaz nuôv zax.

Đros ziv nênhs tuôx shuôk thiaz nuôv zax trâu Har Ntôngx, niav lâuk Nguyễn Hoàng Anh, thành phố Hải Phòng, thav pâuz: Tuôx txos no, iz chas tâu pov tox trôngz hâur pês siaz, đêx ar huôz chuô lax nziak, cur tsênhv ndox njôngr tsik plox trâu đruôz siaz cưr tix Hmôngz têx kuz chas txux. Pêz tâu kria pâuz tsưr ziv uô kênhx; uô txir poz, nria tơưv lâus trâu Hmôngz têx tsôngk hnar, lok sik tâu siv tuôr nduôr thiaz nox njuôs tsâu shơư kuô txoz…tưz uô trâu pêz sơưr đơưk ndox njôngr tsik plox trâu đruôz siaz.

Hâux lưv txuôs jông Hmôngz têx txux chi đros trâu huôv tsar nuôv zax ntơưv xã Har Ntôngx tưz cxơưz huôv tsar nhiax txiax-xã hội, Pêx xênhv luz nênhx hlôngr yiaz, lês muôx kaz hâu cêr sik tưr “Hur si Pêx xênhv thôngx siaz cxiv tsa luz nênhx muôx txux chi”hâur jêx jok.