Muk txos têx jok muôx nênhs Lok Tsuôk nhoz xã Mường Và, pov njôngr tsôngv pox niav ntơưv no trâu siaz ntok têx chês ntâuz tơưs pax riz, jông txơưr hlo lưv hair nênhs. Têx ntâuz ntok tâu uô ntâu tsar ntâu zav pax, pir txưr txos cêr nox nhoz hâur luz nênhx, têx zav ntux trâus têz xênhz, cêr đaz cêr kruô… 

Pos Lường Thị Chiêng, jok Mường Và, haik: Cur tưz ntok ntâuz tâu yax 40 shông lok lơưv. Thâuv tsênhv zâu zos têx pos thiaz cur niav kria shâuv ntok têx pax zôngx ziv uô ntêx, mav shâuv jux juk tax txơưx uô tâu ntâu zav ntâuz txaix jông. Trơưk iz txưv zênhx muôx lok, mak hair nênhs Lok Tsuôk têx tsôngv yo tsuôk xơưk ntâuz xor pax, xor caz trâuk gax, trâuk txir đuz, suôz, kriar đax... muôx ntâu tsar ntâu zav pax. Chia cov uô tâu iz chês ntok, chia ntok tơưv têx ntâuz pax jông gâux, mak têx nênhs ntok ntâuz cux tas ntâu đas jos, tsưr ziv.

Uô tâu têx ntâuz lâus Lok Tsuôk jông tas đas jos uô ntâu ntu, txix thâuv xar tơưv uô li chak thiax jông gâux tax txos thâuv xair xor ntok, mav chox muk trâuk... cxuô zav puôr lênhx zos têk gruk xor, ndê grok thiaz yuôz shôngz, ntông. Hair nênhs Lok Tsuôk khênhr ntok tơưv têx ntâuz txaix pax chia xơưk yo, tiaz hnar, lok sik uô fuôv câur. Iz zav pax ntâuz lâus zos iz zav txux chi Lok Tsuôk tâu tsưx hưv thiaz nthuôr huôv đhâu ntâu tiav nênhx, khênhr tâu zôngv ntâu yax mak zos têx ntâuz ntok jax oz luz toz hâu, hok huôv oz luz toz hâu, tsor, naz siz njưx, shôngz ntông, tsêr mnov ntâu yôngx trur, tiz nênhs chaix nxư… Nhiv no, têx hluôk hâur jok cux huôv tsar nzir ntâu zav pax đuô, têk tơưv têx blôngx, pax hmaz pax ntông jông gâux đros trâu têx caz nôngs cxuô zav trâu sâuv têx ntâuz.

Zos iz tus hluôs tâu kria thiaz tưz txơưx ntok ntâuz ntơưv jok Mường Và, niav lâuk Lò Thị Vân haik: Thâuv zâu, tưz tâu cur niav kria ntok ntâuz. Txix li zuôr txir, cur ho tâu niav pos kria uô nzir têx pax ntâuz jông thiaz phiv liv đuô. Cur tưz sir jos uô tâu ntâuz trâu vax tsê zôngv. Têx pax ntâuz Lok Tsuôk zôngv têk uô tâu chôngz nênhs nhiav, têx ntâuz pax tơưv lâus cur uô chox muk muôs ntơưv têx thaz nzưr muôs pax ntâuz têx tỉnh Điện Biên, Lai Châu, Lào Cai, Hà Nội thiaz iz cxia tỉnh kâuv têz qơưk Lok Tsuôk.

Lês dự án paz tsưx hưv thiaz nthuôr huôv cênhz cưv hâur Đề án “Huôv tsar nuôv zax jêx jok ntơưv jok Mường Và, xã Mường Và, huyện Sốp Cộp, tỉnh Sơn La ntu 2023 - 2025, tuôr xav txos shông 2030”, xã Mường Và tưz chox car têx tổ chức hội, đoàn thể kria fâuv hluôs ntok ntâuz pax txaix, tơưv lâus. Gruô hu tsa HTX huôv tsar ntok ntâuz pax lâus trơưk cênhz cưv.

Zơưs Lò Văn Hương, Phó Chủ tịch UBPX xã Mường Và, haik: Iz chas tsưx hưv têx ntâuz pax tơưv lâus thiaz xơưk yo, tiaz, uô fuôv, ntu no muk, xã gruô hu têx nênhs txơưx uô têx ntâuz pax tơưv lâus Lok Tsuôk kria uô pax ntâuz lâus, fuôv pax ntâuz Lok Tsuôk. Iz chas ntơư, njuôk tsov uô têx hax huv jông zos pax ntâuz Lok Tsuôk, xơưk trik, yo, fuôv, hnaz nhiax..., uô yênhx têx hax huv muôs tâu gri paz pêx xênhv sâu tâu nhiax txiax truôx njês, huôv tsar nuôv zax jêx jok.

Cấp uỷ, nov hâu sir jos chox car, tâu pêx xênhv thôngx siaz côngv đas jos, njênhs tiak têx pax ntâuz lâus ntok tâu trơưk cênhz cưv Lok tsuôk ntơưv no zuôr zênhv hnuz zênhv tâu ntâu lênhx pâuz txos, tsưx hưv thiaz nthuôr huôv.