Suôx câuv jias tưr "Gâux njuôz pax huôv tsar” muôx 13 lênhx nhoz cxuô xã thôngz huyện Vân Hồ. Hâur ntơư, têx nênhs tưr tưz tưr đhâu thơưx lưv uô ntêx hnuz 14/3 xair tâu têx nênhs muôx pênhr xưv thiaz jông gâux chia tưr phênhv suôx câuv. Têx nênhs tưr muôx txix 17 txos 25 shông, tsiv txiax, cơưv tas ntơưr THPT lok sik taz tov cơưv THPT, jông gâux, muôx pênhr xưv.

Hmo tưr suôx câuv, 13 lênhx puôr lênhx tưr đhâu 2 phênhv zuôv tưr. Phênhv tưr hnar yo ntêr, têx nxaik tưr hnar yo ntêr chêr nhiak njaik, njêx muôs luôs nxi sâuv yar tiax, uô trâu sơưr đơưk pov njôngr têx nxaik hluôk jông gâux riz thâuv hnar chêr rik yo ntêr Việt Nam.

Phênhv tưr hnar tsôngk yo thiaz txơưx njê muôx tsưr ziv, cxuô lênhx nhiak xair nhiak iz chêr tsôngk yo cênhz cưv hair nênhs nhoz saz Kâuv têz hnuz pôngz li: Puôz Ziz, Cho, Hmôngz, Choz Tsiz, Mêx Jênhx… piar zênhr trơưk suôz trax thiaz luz suôz luk piar kria cênhz cưv txux chi, txiax njis chêr tsôngk yo. Đros ntơư, nhiak cux nthuôr nhiak phaz nzưr ntơưv nhiak tus khênhx, li: Sênhr chêr, haik cưr cxiax, piar luk... 

Đhâu 2 phênhv tưr, Ban Giám khảo tưz xair tâu 5 tus nxaik tưr tâu điểm siaz yax chia tưr phaz nxưr. Ntơưv phênhv tưr no, têx nxaik hluôk tưz têz têx khơư luk nus cik txos hâux lưv por hưv thiaz nthuôr huôv têx txux chi hair nênhs tsơưs, huôv tsar nuôv zax jêx jok, nhiax txiax kôngz lông nhoz jêx jok…

Shơư hâur cxuô phênhv tưr muôx têx cưr cxiax, sênhr chêr, lov jêv ntưk, chôngz kruô tuôx saiz têx nxaik Gâux njuôz tưr.

Suôx câuv, Hà Tố Uyên, nhoz xã Suối Bàng, tưz tưr tâu “Gâux njuôz Pax huôv tsar”. Ban tso yar tưr cux puz huv kruôk Gâux njuôz tiv oz, tiv pêz trâu 2 tus nxaik tưr tâu jông. Têx nxaik muôx khơư luk têz jông, nxaik jông gâux, têx nxaik hnar tsôngk yo hair nênhs tsơưs jông gâux thiaz têx nxaik jông gâux muôx pênhr xưv yax.