Đros đraiv têx suôz cxiax pas sênhr ntơưv Sơn La, muôx tsik jax sâu haik txos ntux yiaz, hâur ntơư, ntâu jax nhoz trơưr đros hnuz nhôngs thiaz gas siaz cxuô fâuv tiz nênhs. Cxiax pas sênhr “Tok ntux yiaz” ntơưv tus cưk trax đuô tox Cầm Bích xav sâu tơưv têx shông 1970 ntơưv tiav nênhx đrav ntêx, tâu saiz zos têx jax cxiax pas sênhr kho siaz yax txos Sơn La. Jax cxiax pas sênhr muôx cxix têx suôz trax pêx xênhv Kâuv Têz hnuz pôngz, pov njôngr đhâu suôx sênhr gas siaz, đros têx suôz sênhr txos tox trôngz hâur pêk, txux chi, tiz nênhs, chuôs li zuôr xar tuôr têx zav jông ntux yiaz tsês cov ntêr hnuz tsik tu. Hla đhâu ntâu luz shông, txos nhiv no, cxiax pas sênhr “Tok ntux yiaz” cux tsênhv tâu tus cưk txux nthuôr đuô trâu têx sav thiax, tâu têx nênhs saiz shuôk nhiav, tok txaik.

Cưk cưr cxiax sĩ Hà Thơm, Tsêr haik sênhr cưr cxiax tỉnh Sơn La, thav tiak: Têx cxiax pas sênhr tsik muôx nux gri lok sâuv chaix ntux yiaz, li “Tok ntux yiaz”, “Ntux yiaz txos jok Cọ” ntơưv suôz trax cxiax pas sênhr Cầm Bích; “Blôngx siaz suôz cxiax pas sênhr Kâuv Têz hnuz pôngz” ntơưv cưk trax cxiax pas sênhr Bùi Đức Hạnh; “Sơn La ntux yiaz tror tơưv” ntơưv Bùi An Nguyên, lok sik “Haik cưr cxiax iz saz ntơưv pax txir đuôx ntơưv cưk trax cxiax pas sênhr Đức Dũng... khênhr tâu têx cưk txux sir zôngv chia nthuôr ntơưv têx cxênhx xưv, cxiax cxênhv cưr cxiax sênhr chêr jông, yax hlo mak têx jâus muk nthuôr txux trâu cxuô qơư, ndax trâu ntux yiaz tơưv, hâu shông yiaz. Tưz hla đhâu ntâu shông lok, têx jax suôz trax no cux tsênhv muôx nux gri nthuôr txux, nhoz trơưr hâur siaz njưk tsôngv nênhs pêx xênhv.

Luz 3 hli xiaz, tox trôngz har jôngr Sơn La pur ntia pax đơưz cax đris ntơưv pax huôv tsar, zav pax txơưr hlo ntơưv tox trôngz har jôngr Kâuv Têz hnuz pôngz. Tsik zos jông đơưz, đênhr siaz xưz, pax huôv tsar tsênhv đros đraiv jax đaz nênhs haik tsês đros txux chi Poz Ziz, yênhx cêr xav xiz trâu ntâu tus cưk trax sênhr suôz trâu têx jax cxiax pas sênhr.

Cưk trax Bùi Khắc Bạo, kuz Giám đốc Trung tâm Txux chi - Zênhx zav tỉnh muôx ntâu jax xav tơưv lok sâuv chaix ntux yiaz, hâur ntơư, cxiax pas sênhr “Thành phố pax huôv tsar” tâu zơưs saiz chuôs li jax txux “tsês trâu luz nênhx”. Suôz sênhr lov jêv đros têx txưv sênhr jông, sâu cok tâu njux đuôz trôngx têz thành phố Sơn La jông chiax sia caik thâuv chaix pax huôv tsar tơưs, đros trâu “têx txox cêr đar pho sênh trôngz lênhk têx tox trôngz hâur pêk”, “jêx jok đrông ntưk thâuv yar ntux tuôx pur đrak”, “điện pov cêr chi iaz sâu têx công trình yiaz”, kruôk txos tox trôngz hâur pêk jông, sai hloz cêr thôngx siaz thiaz cêr huôv tsar ndê tsas ntơưv thành phố Sơn La.

Cưk trax Bùi Khắc Bạo thav tiak: Ntux yiaz trôngx têz Sơn La zênhx tsês trơưr trâu zuk têx cêr xiz txơưr hlo. Têx jax sâu tơưv ntơưv nưk lok sâuv cêr xav no, khênhr đros đraiv njuz đuôz pax huôv tsar, muôx suôz sênhr mok nhôngk lov jêv, haik tâu cêr hlôngr yiaz thiaz khov vav ndê tsas ntơưv pêx xênhv cxuô zav nênhs. Đhâu iz jax cxiax pas sênhr, tok nrư xa txos têx fôngx zưs, kruô nuôv zax pâuz txos njux đuôz cêr jông ntơưv tox trôngz hâur pêk, tiz nênhs Sơn La, siz chos paz yâu mông thiaz huôv tsar nuôx zax trâu zuk jêx jok qơư nhoz.

Têx shông tsik ntêr lok no, têx jax sâu tơưv yiaz, li: “Sơn La jax cxiax pas sênhr ntux yiaz” ntơưv Lê Hồng Chương; “Cêr hluôs Sơn La” ntơưv Thanh Hiếu, “Sơn La ưz txox cêr plênhk gâux đrâus” ntơưv Phạm Trường… tưz tâu têx nênhs sâu tơưv xav sâu, pov njôngr txix têx cêr siaz xiz, cêr njia txos txux chi txơưr hlo. Ntâu jax tâu uô jông xav uô tơưv đuôz clip suôz trax cxiax pas sênhr, chơư têx nênhs haik cxiax pas sênhr nto mông haik, paz txos njux đuôz cov jông cxuô, gas siaz, gruô hu tâu yênhx châuv triệu lưv kruô saiz mnôngs hâur têx hâur ntu fuô mông số.

Cưk trax Trần Văn Quang, Chi hội trưởng Chi hội  Suôz trax tỉnh, kria tiak: Chi hội Suôz trax tỉnh muôx 31 tus hội viên, hâur 5 shông lok no, têx  hội viên xav sâu tơưv yax 100 jax cxiax pas sênhr yiaz zos têx cxiax pas sênhr haik txos Sơn La. Hâur ntơư, chaix ntux yiaz tâu saiz zos “chaix sâu tơưv” viv muôx ntâu jax cxiax pas sênhr tưz haik tơưv trâu ntu ntux, têz kriz yiaz. Cxiax pas sênhr tsik zos uô trâu ntu nênhx shir phaz jông tuôx xưz, tsênhv paz yâu mông, kria njux đuôz, cêr jông trôngx têz, txux chi, tiz nênhs Sơn La txos têx fôngx zưs, kruô nuôv zax.

Têz qơư hla trâu ntux yiaz, pêx xênhv cxuô zav nênhs Sơn La taz tov siz tưr, tok txos têx cêr xav thiaz khov vav trâu têx yênhx côngz yiaz. Ntơư zuôr zos txos cêr xav siaz xiz, chia têx cưk trax, cưk txux Sơn La tso yar xav tơưv, muôz puz ntu nênhx têx jax sâu xav yiaz lok sâuv chaix ntux yiaz txos jêx jok têz qơư, lok sâuv nhiav tiz nênhs thiaz tiz nênhs, siz côngv tok txos cêr huôv tsar jông cxix cxuô, shir phaz.