Xưk li cxuô hair nênhs ntơưv Sơn La puôr lênhx zôngv đruôk đax lok sik luôs juk đruôk đax thiaz đruôk nênhz trâu têx cêr đaz kruôk hâur iz txưv zôngv. Tsi njênhk yênhx zav cêr đaz kruôk mak thiax hnor suôz đruôk đax, đruôk nênhz đror muôx txiax njis tsik siz thôngx. Xav li pêx xênhv Poz Ziz, đruôk đax thiaz đruôk nênhz tsênhr cov muôx hâur têx jâus lov jêv, grâuv pax ntơưv jêx jok. Têx đruôk đax, đruôk nênhz tâu muôz đai trâu yar tiax tsêr txux chi đros trâu oz tus ntâuk đruôk đax, đruôk, ntâuk uô zox zênhk tưz yênhx cêr sưv trâu yênhx jâus grâuv pax, muôx chôngz tus pêx xênhv jêx jok tuôx côngv cêr lov jêv hâur têx jias txơưr hlo. Suôz đruôk đax, đruôk nênhz uô suôz trâu cêr sênhr chêr tuôr têk uô vox ndis muk lok hmo ntux nthuôr cêr lov jêv.

Xav li pêx xênhv Poz Ziz, đruôk đax thiaz đruôk nênhz tâu sir zôngv chia muôx suôz, muôx ntu trâu cêr sênhr tuôr têk uô vox têx hnuz grâuv pax, grâuv đruôs. Trơưk txox cêr sir đruôk đax, đruôk nênhz ntâuk tsik siz thôngx, mnôngs đruôk đror mak pâuz tâu têx cêr lov jêv. Tsưr ziv txuôs đruôk đax, nquôr đruôk nênhz tsik zôngx ziv, taix khov uô iz kro jux juk, têk txơưx, pâuz xav txos lox zâu thiaz luz suôz đror jông. Đruôk đax, mal tsi njênhk cêr sir hâur ziv nênhs, chuôz xênhv nênhs, lok sik jêx jok khov luz lox zâu tsik siz thôngx, đruôk đax phênhv ntâu muôz tơưr nhux jox. Chia cov muôx iz luz đruôk đax đror jông, nta nqa nxê nxênhk tox trôngz har jôngr mak luz đruôk kror tos jox zuôr tsuv lox đar li 6 luz đris, đar muôx li 50-60 cm, ntêr txix 10-12 luz đris, lox đar bâuv li  0,8-1 thiar.

Hok pêx xênhv Cho, suôz đruôk đax, đruôk nênhz đros đraiv têx cêr đaz kruôk txix li iz tus nênhs yưv siv lok uô nênhx, lox hloz, côngk nhav zos tiar nênhs tax txos thâuv tsik muôx txox sia nhoz. Đruôk đax ntơưv pêx xênhv Cho puôr lênhx uô lox, đar iz zav, tos jox đar li 40cm, siaz 30-35cm, tsav đruôk cov đrux txix ntâu tus njia ntông zuôv, tos jox tsuv đrux txix muôz tơưr tưv jox. Suôz đruôk đax ntâuk đror gis guôr, đror lox thiaz zênhv nqa muk tsik đêz. Hok đruôk nênhz mak zâu, tsik uô poz lux, khênhx lav đar muôx li 20 cm, suôz đruôk nênhz mnôngs đror cax lus, zôngx ziv ntâuk đror shơư suôz đruôk đax.

 Luôx juk đruôk đax thiaz đruôk nênhz puôr lênhx zôngv trâu têx cêr đaz kruô ntơưv tiz nênhs Cho, txix li cêr đaz kruôk côngk nhav têx tuz hloz tiar txir, zôngv ntâuk nzir suôz sênhr chêr cho tsưz têx hnuz gruôv pax, têx hnuz tsiaz txos trâu cêr pav tuôs. Suôz đruôk đax, đruôk nênhz, ntâuk uô cê, xuôk têk cho tsưz, yuôz trax cuz tưs đros uô yênhx suôz siz nzuôs nzơưk txơưr hlo, lov jêv, nxê ntưk li cxiz blôngx siaz tiz nênhs tis ndo txos hâur pâuk nôngz nênhx.

 Hok têx pêx xênhv La Ha, Khơ Mú, Mường... đruôk đax thiaz đruôk nênhz cux zos suôz đror cov muôx hâur ntu nênhx lês cêr đaz kruôk ntơưv pêx xênhv, khênhr ntâuk trâu têx hnuz gruôv pax thiaz têx cêr đaz kruôk trơưk cênhz cưv cxuô tiav nênhx lok. Lar haik mak têx hnuz gruôv pax suôz đruôk “tôngs, tôngs…” nqa ntưk zaz zâuv pêx xênhv trâu cêr sênhr chêr tuôr têk uô vox ndis muk lok. Siz tuôr têk sênhr chêr ndis muk lok, mnôngs suôz đruôk chia yaik truôv co tơư cov fiv huv chia luz vox tuôr têk sênhr chêr lox đar jux juk thiaz piar zênhr, siz luôs jok trơưk suôz đruôk đax, đruôk nênhz đror 2/4, 4/4 siz luôs jok, tsik ntu nduô hâur yênhx hmo gruôv pax.

Pêx xênhv cxuô hair nênhs nhoz Sơn La muôx ntâu zav suôz, iz zav muôx iz kro txiax njis txơưr, paz kria txos cêr xav, cêr yuô, khov vav thiaz haik txos blôngx siaz. Taz sik đruôk đax thiaz đruôk nênhz zênhx zos zav tsưx tâu hâur pêx xênhv, tsês trâu pêx xênhv sênhr trơưk cênhz cưv thiaz tas nro têx đaz nênhs txux chi yênhx cxênhz tiav nênhx ntơưv pêx xênhv hâur tsưr ziv txuôk, nquôr tâu lol zôngv thiaz faz tsưr ziv txuôs tsês ntơưv têx fâuv nênhs siz txuôk jưk, chia suôz đruôk đax, đruôk nênhz đror tsik tu hâur txux chi cêr chia siaz ntơưv tsôngv pêx xênhv cxuô hair nênhs Sơn La.