Txuv jâus cơưv ntơưv Sở Choz kria ntơưr muôx thơưx car Sở; nênhs hlôngr thơưx car iz cxia yar cơưv, cưk kria tin học thiaz thơưx ban hlôngr niav txir shuv xênhz têx yar cơưv: THPT Tô Hiệu; THPT Chiềng Sinh; THCS Quyết Thắng; THCS Lê Quý Đôn; THCS Tô Hiệu; TH-THCS Quyết Tâm; Tiểu học Trần Quốc Toản; Tiểu học Quyết Thắng thiaz Tiểu học Chiềng Lề. Jâus cơưv tâu txuôk yưv ti vi txos zuôr luôs 400 kror qơư ntơưv têx qơư choz kria ntơưr thax tsav tỉnh, đros trâu muôx jê 1.000 tus cán bộ saiz car, cưk kria tin học thiaz nênhs hlôngr njêx muôs niav txir têx shuv xênhz ntơưv têx qơư choz kria ntơưr. 

Đề án Yôngv siaz pênhr xưv, txux chi thiaz tsưr ziv sir zôngv tin học trơưk chai ntiax têz trâu shuv xênhz phổ thông tỉnh Sơn La, ntu 2025 – 2035 tâu cxiv tsa trơưk Quyết định số 1241/QĐ-UBPX hnuz  29/5/2025 ntơưv UBPX tỉnh Sơn La, đros têx cêr xav tsênhv chênhz: Yôngv siaz pênhr xưv kria txux: Sir jos 100% cưk kria Tin học tâu trơưk tsưr ziv sir zôngv chuôz zênhx fuô mông trơưk xav pênhr xưv hâur ntiax têz trâu shông 2030; Hlôngr yiaz cxiax cxênhv choz kria ntơưr: Siz đhok têx njiaz luk jông fiv li uô tơưv, cêr xav fax, nhaz xênhz mạng thiaz  sir zôngv chuôz  zênhx số trâu cêr kria ntơưr; Yôngv siaz têx zav uô tơưv: Sir jos cov 90% tuz cơưv phổ thông côngv lês cxiax cxênhv tưr tâu chứng chỉ tin học ntiax têz trâu shông 2035; Huôv tsar têx vax tsê cxuô zav: Cxiv tsa têx vax tsê thiaz cơưv yưv ti vi siz luôs jok, paz cêr zôngx ziv trâu tuz cơưv tox siaz, đêz đrôngs chuôs tâu choz kria jông txux chi; Tsik tsês siz khov ntiax têz: Têx hâux lưv tưz choz kria ntơưr nto mông chia tâu saiz trơưk xav thiaz zos li chuôz zênhx yiaz.

Ntơưv jâus cơưv, nênhs hlôngr njêx muôs Paz pơưs ICDL Việt Nam tưz kria cxiax cxênhv Tin học ntiax têz “ICDL Digital Student”; kria txos kror têx zav hâur ntiax têz thiaz cêr muôx gri ntơưv chứng chỉ ICDL; kria têx zav paz cêr cơưv shâuv EduX thiaz têx yax ntơưr /tưr Skillbox; kria faz kriz yaz ntơưr, cxênhz thiaz tưr tâu chứng chỉ Quốc tế ICDL. Sở Choz kria ntơưr cux chox car têx qơư choz kria  ntơưr trơưk fuô lês, txox cêr cxiv tsa tsov xav, zav sâu thiaz saiz car nhiax thâuv lês cxiax cxênhv.

ICDL Digital Student zos cxiax cxênhv tâu huôv tsar ntơưv têx nênhs chuyên gia uô thơưx hlo txix Hội liên hiệp têx Paz pơưs Tin học châu Âu (CEPIS), tưz tâu fuô lês đêz đar ntơưv ntâu luz têz qơưk, fiv huv Cêr xav pênhr xưv trâu nênhs nhênhv zos Bộ Choz kria ntơưr (Thông tư số 02/2025/TT-BGDĐT), zos chuôz zênhx tsênhv chênhz lês tâu têx cêr xav ntơưv Đề án.

Thơưx car Sở Choz kria ntơưr haik tiak, cêr fuô lês cxiax cxênhv ICDL Digital Student tsik zos paz shuv xênhz yôngv siaz pênhr xưv số tas nro, siz khov txâuk chai hâur ntiax têz xưz, mak tsênhv muôx ntâu cêr txơưv zênhx, li tsik tâu thêv nhiax cơưv ntơưr/tưr cơưv phênhv Tin học đại cương, fiv huv zos qơư tơưv chuôz zênhx fuô mông ntơưv ntâu yar cơưv đại học, cao đẳng ntơưv Việt Nam. Paz pơưs ICDL tok nrư côngv đros Sở Choz kria têx tsưr ziv hâur ntiax têz, siz chos lês Đề án thiaz cêr xav hlôngr số saz choz kria ntơưr ntơưv tỉnh Sơn La.

Hâux lưv fuô lês Đề án kriz tơưv ntu yiaz trâu côngz xưv choz kria thiaz chai hlôngr số trâu shuv xênhz, siz chos truz lur cêr đrus ntơưv số, yôngv siaz tiz nênhs txơưx njê, paz max huôv tsar truôx njês ntơưv tỉnh.