Chuôz xênhv Lù hâur thành phố Sơn La muôx 31 zis, yax 130 lênhx nênhs, nhoz trâu jok Panh thiaz jok Hụm, xã Chiềng Xôm. Ntâu shông đhâu, chuôz xênhv Lù tâu Hội Cxơưz paz cêr cơưv Thành phố, Hội Cxơưz paz cêr cơưv tỉnh kruôk zos chuôz xênhv gruôs cơưv shâuv. Zơưs Lù Văn Bình, Thơưx chuôz xênhv Lù, chaik pâuz: Nhiv no, chuôz xênhv muôx 39 lênhx shuv xênhz taz tov cơưv txix yar cơưv mê nhuôv zâuk txos trâu THPT, 8 lênhx taz tov cơưv đại học, 1 lênhx taz tov cơưv thạc sĩ. Muôx 36 lênhx zos cán bộ, công chức, viên chức uô hâux lưv trâu têx cơ quan, đơn vị têz qơưk, lực lượng vũ trang hâur thax tsav têx huyện, tỉnh. Ntơư zos têx tsov iar chia têx mê nhuôv hâur chuôz xênhv tror sir jos cơưv shâuv, zôngs trơưk.

Hok ntơưv huyện Thuận Châu, shông 2024, Hội Cxơưz paz cêr cơưv huyện tâu Trung ương Hội Cxơưz paz cêr cơưv Việt Nam muôz Qix siz tưr lês tâu jông cêr siz tưr cxơưz paz cêr cơưv shâuv, cxiv tsa xã hội cơưv shâuv. Zơưs Giang Văn Đáp, Chủ tịch Hội Cxơưz paz cêr cơưv shâuv huyện, haik pâuz: Ntâu chuôz xênhv hair nênhs tsơưs, tox siaz, thax tsav phiv liv tưz cxiv tsa tâu cêr siz tưr li: chuôz xênhv Lò, nhoz jok Ba Nhất 1, xã Thôm Mòn; chuôz xênhv Thox, xênhv Muôk, xênhv Shôngx, xã Long Hẹ; chuôz xênhv Lâux jok Nặm Giắt, xã Phổng Lái...

Hur si tỉnh muôx 12 hội cxơưz paz cêr cơưv shâuv huyện, thành phố, thị xã; 200 hội cxơưz paz cêr cơưv xã, phường, thị trấn; yax 4.600 chi hội cxơưz paz cêr cơưv. Txos nhiv no, thôngz  tỉnh muôx zuôr luôs 235.000 lênhx nênhs cơưv shâuv; yax 213.000 zis nênhs cơưv shâuv; 1.037 chuôz xênhv cơưv shâuv, 2.037 jêx jok cơưv shâuv cấp tổ, jok, tiểu khu thiaz 875 đơn vị cơưv shâuv. Cxuô shông, Hội Cxơưz paz cêr cơưv tỉnh tưz fuô lês ntâu zav ntâuz ntơưr chox car ntơưv Trung ương, ntơưv tỉnh lok sâuv côngz xưv cxơưz paz cêr cơưv shâuv. Kriz fuô kria, zaz zâuv paz nhiax cxiv tsa “Pênhr nhiax Tô Hiệu”; kriz yênhx côngz têx jias tưr, têx jias puz nhiax cxơưz paz cêr cơưv.

Pos Mai Thu Hương, Chủ tịch Hội Cxơưz paz cêr cơưv tỉnh, haik pâuz: Shông 2024, hội cxơưz paz cêr cơưv cxuô cấp tưz siz chos kriz 145 jias kria nzir tsưr ziv lês côngz xưv cxơưz paz cêr cơưv trâu yax 5.100 lưv cán bộ cxơưz paz cêr cơưv cơ sở; đros trung tâm cơưv shâuv cấp xã kriz 180 jjias kriz tsưr ziv uô nox, kria hâur pâuk ntơưr thiaz kria luk, ntơưr sâu Poz ziz trâu yax 10.300 lưv nênhs côngv. Hâux lưv kruôk, paz nhiax puôr lênhx tâu cxuô cấp hội tsưx truôx, txos nhiv no, hur si pênhr nhiax cxơưz paz  cêr cơưv hâur hur si tỉnh tâu yax 31 tỷ đaiv. Hâur shông 2024, tưz kruôk yax 23.300 tus khênhx, paz pơưs lês tâu hâux lưv jông...

Cêr siz tưr cxơưz paz cêr cơưv shâuv zênhv hnuz zênhv nto mông đêz đar thiaz huôv tsar hâur cxuô thax tsav thôngz tỉnh. Têx hâux lưv lês tâu ntơư, zos qơư chuôz jos chia cxuô thax tsav tror cxơưz paz lês jông đuô cêr siz tưr cxơưz paz cêr cơưv shâuv, cxiv tsa xã hội cơưv shâuv huôv tsar, đros trâu cxiv tsa luz nênhx muôx txux chi, vav mênhx thiaz cxiv tsa hur si pêx xênhv thôngx siaz…