Shông cơưv 2024-2025, tas nro tỉnh yưv 32 kror cêr siz ntâuk trâu cêr cơưv ntơưr, hâur ntơư, 17 tus tsuv tâu tik cêr cxâuv lox hình sự, 11 tus cxâuv bluô zuôv chai hành chính thiaz 4 tus uô ntơưr kiểm điểm, kruôz ntuôk.Têx mê nhuôv mas ntâuk hâur cêr cơưv khênhr mas hiav luz siaz xav li: Khênhr txoz cxơưx, nyai, tsik muôx cêr njênhs, têx jâuv xav cêr tsik jông; khênhr so tsik cơưv ntơưr hiav txos têx cêr cơưv shâuv tsik pâuz; txar đêz fôngx zưs, cưk kria,tsik muôx cêr njênhs...

Luz cênhz zov chênhr hiav txos cêr siz ntâuk cơưv ntơưr zos têx mê nhuôv taz tov nhoz trâu ntu zuôr tiar nênhs, muôx cêr hlôngr hâur siaz xav, cêr xar, li ntơư zôngx ziv muôx têx hâux lưv uô txơưr, uô nuv tưx zuk thiaz bâu tơưk chênhr, têx mê nhuôv têx jâuv siz ntâuk, siz chês viv siz muôx luk kro njik. Siz ntâuk hâur ziv nênhs cux zos luz cênhz uô trâu muôx cêr siz ntâuk trâu cêr cơưv ntơưr; têx tuz cơưv tsik tâu cêr moz siaz, tu saiz, kruôz kria ntơưv niav txir thiaz tsêr nênhs, lok sik saiz  hloz mê  nhuôv txix têx cêr cơưv ntơưr thiaz tsik kuôr njêx txox cêr xav, siaz xar ntơưv têx mê nhuôv; ziv nênhs tsik shir phaz, niav txir siz trâux. Têx mê nhuôv chuôs tâu ntâu mông fêv, siz ntâuk hâur cêr xav, mas zuôv đhâu mạng xã hội, internet cux hiav txos cêr xav hâur siaz njưk, têx zav uô trâu tus khênhx zuôr tsuv shâuv trơưk...

Hông cơưv đhâu, tas nro ngành tưz kriz 21 lớp cơưv nzir siz shơư côngz xưv phax, tar siz ntâuk hâur cêr cơưv ntơưr trâu cán bộ, cưk kria; 525 jâus fuô kria chai têz qơư thiaz 187 jâus tưr pâuz txos chai têz qơư ntơưv têx yar cơưv. Muôx 407 kror qơư choz kria fuô kria cxiv tsa chai thav luk hâur yar cơưv; 19.500 lưv tus cán bộ, cưk kria thiaz158.000 lưv tuz cơưv chos luk lês chai lok sâuv phax, tar siz ntâuk hâur cêr cơưv ntơưr thiaz tsik cor têx zav fêv hâur xã hội. Têx yar cơưv fuô lês yax  700 hâux lưv ndis saiz, chuyên đề tsưr ziv nox nhoz thiaz tsưr ziv tưx por hưv zuk  tus khênhx trâu 198.000 tus tuz cơưv. Ntâu yar cơưv tưz cxiv tsa, zuôr nzir thiaz tuôr xav đhok jê 1.000 luz camera saiz cêr njias to ntơưv têx thax tsav li trôngx lôngs yar cơưv, têx nja vax, thax tsav tsêr uô mor nox chia saiz hur si têx hâux lưv cov chok nxiak nhaz xênhz yar cơưv...

Shông cơưv 2025-2026, Yar cơưv PTDT Nội trú tỉnh muôx 825 tus tuz cơưv, txix li têx tuz cơưv puôr lênhx nhoz nội trú, cêr phax tar siz ntâuk hâur cêr  cơưv, têx cêr fêv xã hội tsik tsês tâu yar cơưv lok sik moz siaz. Cưk kria Hoàng Thị Ngọc, Bí thư Đoàn yar cơưv thav pâuz: Yar cơưv lês trơưr qơư uô “ Hluôs nênhs tưx car chok nxiak njias to tưx zưv ”; tso tơưv cêr siz tưr “3 tsik muôx, 3 tsưx tsês” ( tsik muôx nênhs cxâuv, tsik muôx cêr ruôr hiav xã hội, tsik zuôv chai nox nhoz muôx txux chi; tsưx nênhs, tsưx chuôz tav, tsưx cêr hluz”. Đhok camera sox njias  to ntơưv têx thax tsav qar tsêr nhoz, lớp cơưv ntơưv tuz cơưv. Txix têx qơư lês, câu lạc bộ, pêz zênhx max pâuz tâu têx cêr siz chia châuz, muôx cêr tsik siz huv ntơưv tuz cơưv chia tu cov tas, cxiv kho “ Yar  cơưv nhaz xênhz, yar cơưv shir phaz”.

Iz chas ntơư, saz Kho moz cux đros saz Choz kria ntơưr, têx nênhs tâu chai taz nhav têx mông thiaz đơưk cêr cxâuv tuz cơưv mas ntâuk hâur cêr cơưv ntơưr; kriz xair liv, tu saiz đas jos, kho moz, kria trâu têx mas ntâuk zos tuz cơưv; nus txos sox saiz têx txuz nuv tuz cơưv mas ntâuk trơưk tâix khov ntơưv têx cơ quan pênhr tâus plâuz ntus. Đros ntơư, đros saz Choz kria ntơưr kriz fuô cias tiv njêx muôs ntơưv têx yar cơưv THCS, THPT lok sâuv côngz xưv phax tar cêr hiav ntơưv chơưr, bia, zênhz gaz ntơưr; đros kriz kria siaz xav cêr cơưv ntơưr trâu tuz cơưv...

Zơưs Nguyễn Chí Chung, Phó Giám đốc Sở Choz kria ntơưr, thav pâuz: Hâur ntu zuôr txos, saz choz kria zuôr tsik tsês lês côngz xưv kruôz kria yôngv siaz cêr to tâuz, phênhv shuôv ntơưv  viên chức, cưk kria, nênhs uô nuv, tuz cơưv thiaz niav txir muôx tuz nxaik cơưv trâu cêr phax, tar siz ntâuk hâur cêr cơưv. Chox car têx yar cơưv tsi njênhk siz hnhar zuôv chai yênhx tus tuz cơưv, saiz  tsov, tik cêr cxâuv trơưk chai xav, têx cêr nos plâuz ntus cê muôx kror jông, cê muôx cêr choz kria, zuôr hêv tuz cơưv cxâuv chai. Kriz kiểm điểm phênhv shuôv saiz car tuz cơưv; lês cêr phax, tar siz ntâuk hâur cêr cơưv ntơưr txos cán bộ, cưk kria, nhân viên cik txos. Kriz têx hâux lưv yar puôv cov yênhx tsưr ziv nox nhoz muôx liv, fiv huv siaz xav hnuz nhôngs tuz cơưv, đros đraiv ndis saiz mênhx pêv, yax hlo mak têx tsưr ziv nhax pâuz, phax, tar siz ntâuk hâur cêr cơưv ntơưr... Đros Công an tỉnh fuô lês muôx  liv cêr siz tưr “Tas nro pêx xênhv por hưv njias to Têz qơư ”, cxiv kho qơư choz kria ntơưr tâu jông “ Nhaz xênhz lok sâuv njias to, tưx zưv ”; tror lês têx lưv ciz kria đis, tuôr xav, cxênhz yuôx, tik cêr cxâuv nênhs cxâuv, zuôv chai têz qơư lok sâuv siz ntâuk thiaz têx cêr ruôr hiav xã hội txơưr.

Iz chas cêr paz max ntơưv têx cấp, têx ngành, yênhx tus niav txir, ziv nênhs tsuv moz siaz, tu saiz mê nhuôv luôx juk cêr cơưv ntơưr thiaz cêr xar, khov vav ntơưv mê nhuôv hâur cêr nox nhoz yênhx hnuz. Niav txir zuôr tsuv zos têx fôngx zưs đros đraiv mê nhuôv, cxoz chia mê nhuôv njias to iz lênhs nhiax cêr siz ntâuk hâur cêr cơưv ntơưr. Lar haik, cxiv kho txux chi pâuz thav luk hâur ziv nênhs tsik siz ntâuk, txix ntơư, paz nhuôv zâuk muôx têx cêr xav uô jông nênhs, nox nhoz ndax ndênhk thiaz pâuz tâu têx txux chi phax tar thâuv mas têx tuz cơưv ntâuk hâur cêr cơưv ntơưr.