Xav tas luz 7/2025, hur si tỉnh muôx 437/596 luz yar cơưv txâuk chai li têz qơưk xav, txênhz 73,3%. Hâur ntơư, 321 luz yar cơưv tâu chai jông hov I; 116 luz yar cơưv txâuk chai jông hov II; yax 3% chỉ tiêu Nghị quyết Đại hội Đảng bộ tỉnh jâus tiv 15, ntu shông 2020-2025. Shông cơưv 2024-2025, muôx 43 yar cơưv choz kria ntơưr tâu côngk nhav txâuk chai. 

Vax tsê zos kror uô thơưx hlo, txix shông 2024 txos nhiv no, Sở Choz kria ntơưr tưz gruô hu ntâu nhiax txiax, muôz yax 65 tiv đaiv uô yiaz, kho đuô 251 qar tsêr cơưv; kho đuô 76 qar tsêr uô nuv, tsêr tơưv trôngx, qar tsêr chox uô nuv trâu têx qơư choz kria ntơưr hâur thax tsav; zuôr cxaz, nzir têx chuôz zênhx kria ntơưr trâu 99 luz yar cơưv. Txos nhiv no, hur si tỉnh muôx 95% qar tsêr cơưv truôx khor, zov chênhr fiv huv cêr khov vav kria 2 tas cik, hnuz kaix/hnuz.

Iz chas ntơư, tiêu chí lok sâuv trơưk chai trâu têx cán bộ, cưk kria cux tâu saiz hloz. Tas nro tỉnh nhiv no muôx yax 23.500 cán bộ saiz car, cưk kria, hâur ntơư, yax 84% tâu trơưk chai thiaz yax đuô chai. Cưk kria Nguyễn Thị Thúy Hạnh, Phó Hiệu trưởng Yar cơưv Tiểu học Chiềng Ly, xã Thuận Châu, thav kria: Ban Giám hiệu tưz paz cêr chia cưk kria tâu cơưv nzir cêr kria ntơưr, hâux lâux, fiv huv cêr khov ntơưv Cxiax cxênhv choz kria phổ thông shông 2018. Txos nhiv, 100% cán bộ, cưk kria ntơưv yar cơưv puôr lênhx cơưv tas đại học tror sâuv. Txix shông 2022 txos nhiv no, đơn vị lês trơưr, tsưx truôx luz côngz yar cơưv txâuk chai têz qơưk xav jông hov 2, đros ntơưr tsik tsês nhoz trâu hâur côngs uô thơưx hlo lok sâuv kria jông ntơưr ntơưv xã.

Yar cơưv tâu chai têz qơưk xav tsênhv chia cxiv kho qơư choz kria jông fiv, tas cxuô zav – qơư shuv xênhz tâu cơưv shâuv, cov qơư nhaz xênhz, ndơưs sưv; cưk kria muôx qơư hlôngr yiaz cêr kria. Muôx côngz li Yar cơưv THPT Chuyên Sơn La, tâu chai li têz qơưk xav jông hov II thiaz tâu cxênhz cêr kria ntơưr jông hov III. Nhiv no, yar cơưv muôx vax tsê jông, ntâu qar tsêr uô nuv jông; têx paz cưk kria muôx 1 lênhx tiến sĩ, 44 thạc sĩ; 49 tus cưk kria cơưv tas đại học.

Tuz cơưv Đặng Phương Anh, lớp 11 Toán, Yar cơưv THPT Chuyên Sơn La, thav pâuz: Puôs ndis yar cơưv njuôz, hur, nhaz xênhz, cưk kria coz txux, tas siaz, nhiav kria ntơưr. Têx qar cơưv muôx wifi, tivi đros ntâu qar uô hâux lưv fiv huv li qar trâu ntâuz ntơưr số, qar tsêr cơưv thôngz tsiz… paz têx shuv xênhz tâu cơưv iz kro qơư jông li siaz xav, muôx cêr huôv tsar tus khênhx thiaz tâu têx côngz jông trâu cêr cơưv ntơưr.

Iz chas têx nuv uô tâu, cêr cxiv kho yar cơưv tâu chai li têz qơưk xav ntơưv tỉnh Sơn La tsênhv njiz cêr txov nhêv, ntâu qơư tox siaz tsik tâu txâuk vax tsê, qơư cơưv ntơưr trâu cxuô qơưk phiv liv txos cêr cxiv kho thiaz saiz car. Nhiax txiax cxiv kho thiaz cêr paz tsênhv kênhz; cêr yêz tsik tâu jông; ntux hiav tsik so tưz hiav puôk tsuôx vax tsê.

Zơưs Nguyễn Văn Chiến, Phó Giám đốc Sở Choz kria ntơưr Sơn La, thav pâuz: Shông cơưv 2025-2026, saz Choz kria ntơưr sir jos cov tsơưs yax cux muôx nzir 30 kror qơư choz kria ntơưr tâu côngk nhav tâu chai li têz qơưk xav kria tâu ntơưr. Sở zuôr siz chos yuôx, xav têx yar cơưv lớp cơưv, txo tsơưs têx qơư kria ntơưr tsik uô cê; tror sir zôngv muôx liv têx pênhr nhiax ntơưv cxiax cxênhv têz qơưk, gruô hu xã hội paz nhiax txiax chia cxiv tsa vax tsê, chuôz zênhx kria cơưv ntơưr. Đros ntơư, saiz hloz têx cưk kria, hlôngr yiaz tsưr ziv kria ntơưr, đros đraiv cxiv kho yar cơưv tâu li chai xav đros trâu cxiv kho yar cơưv shir phaz, chia chok nxiak truôx njês.

Txix li tias siaz thiaz tsưr ziv sir jos, saz Choz kria ntơưr Sơn La taz tov đơưk têx chor nhov, lês jông hâux lưv yar cơưv tâu chai li têz qơưk xav, chuôz jos chia cxiv kho qơư choz kria jông fiv, cxix cxuô, fiv huv cêr hlôngr yiaz, choz kria tas nro hâur ntu nênhx yiaz.